DRUPAL Apariencia Instalación
Sumario
Aumentando o tamaño dos arquivos que podemos subir ao Drupal
- Se durante a instalación dun Theme vos aparece unha mensaxe de que o arquivo ten un tamaño superior a 2MB quere dicir que a configuración do PHP está configurada para ese límite.
- Para solucionalo poderíamos editar o arquivo de configuración de PHP (/etc/php5/apache2/php.ini => direcitva: upload_max_filesize) e aumentar ese límite, pero como normalmente ides ter o CMS instalado nun aloxamento compartido, non teredes acceso a dito arquivo.
- Para solucionalo podedes editar o arquivo /cartafol_instalado_drupal/.htaccess e engadir estas liñas:
php_value upload_max_filesize 10M php_value post_max_size 10M
- No exemplo estamos a poñer un límite de subida de arquivos cun tamaño máximo de 10MB.
- Tedes unha explicacións máis detallada (aplicada a o CMS Moodle) no meu blog.
Instalando un novo Theme
- NOTA: Esta sección está asociada á realización dun Exercicio.
- É recomendable cando fagamos algún cambio na configuración de Drupal, poñelo en modo mantemento.
- Para instalar un novo tema podemos facelo graficamente ou manualmente.
- Primeiro debemos decidir o tema a instalar.
- Podemos ir a este enlace onde temos varios criterios de busca. Un dos que sempre temos que ter en conta é o que indica o 'core compatibility' no que teremos que escoller a versión do drupal que temos instalada.
- Podemos ir a este enlace no que aparece un índice dos temas.
- Vexamos un exemplo de busca:
- Imos a instalar o tema Drupal8 Zymphonies Theme que aparece na busca anterior. Ao premer nel aparecerá a súa información:
Como está indicado:
- Está activamente mantido, polo que se aparecen bugs serán corrixidos.
- A nivel de desenvolvemento soamente faranse modificacións para corrixir os erros atopados.
- Indica o número de sitios que informaron da súa instalación.
- Indica o número de veces que se descargou o tema do sitio web.
- Indica a última vez que foi modificado.
- Procederemos a instalación.
Manualmente
Primeiro debemos de situarnos no cartafol /drupal/themes/. Lembrar que se estamos a usar Xampp debemos de ir ao cartafol '/opt/lampp/htdocs/drupal/themes'.
Nota: Esta parte é diferente se o facedes con Drupal 7.Agora debemos de descargar o arquivo tar.gz do tema seleccionado. En Linux podemos poñer: wget https://ftp.drupal.org/files/projects/drupal8_zymphonies_theme-8.x-1.0.tar.gz, sendo a dirección URL copiado dende a paxina web do tema.
Descomprimimos o arquivo no cartafol /drupal/themes/ coa orden: tar -zxvf drupal8_zymphonies_theme-8.x-1.0.tar.gz e borramos o arquivo comprimido baixado de Internet. Cambiamos o propietario dos cartafoles creados: chown -R www-data:www-data /opt/lampp/htdocs/drupal/themes/. Algúns temas poden ter información sobre configuración para facelo funcionar correctamente. Isto (se é o caso) se atopará normalmente no cartafol do tema nun arquivo de nome Install.txt ou Readme.txt.
Graficamente
Imos a opción de menú Administrar => Apariencia e o novo tema aparece na parte baixa. Agora podemos instalalo para facer uso do mesmo. Se prememos Instalar e establecer como predeterminado faremos que dito tema sexa activado. Se prememos Instalar pasará a parte superior da páxina e estará listo para ser establecido como predeterminado.
- Lembrar que Drupal ten dous temas diferentes:
- Un para administración (por defecto seven)
- E outro para o sitio web (é o que configuramos nos exemplos anteriores).
- Para visualizar o novo tema, teremos que visitar o sitio web xa que se estamos na área de administración seguiremos vendo o tema 'seven'.
Recuperando Drupal dun tema non operativo
- Máis información neste enlace.
- Pode darse o caso de que instaledes e activedes de forma accidental un tema que non se visualice correctamente ou que vos deixe de dar acceso á parte administrativa de Drupal.
- Nese caso podemos establecer o theme anterior facendo os seguintes pasos:
- Instalamos a ferramenta Drush.
- Unha vez instalada e estando nunha terminal no cartafol do sitio web de Drupal:
drush status theme
- Devolve o theme actualmente activo.
drush config-set system.theme admin seven
- Cambia o theme de administración (no exemplo está seleccionado o seven).
drush config-set system.theme default bartik
- Cambia o theme do sitio (no exemplo está seleccionado o bartik).
- Se despois de facer a orde anterior non aparece o theme seleccionado probade a baleirar a caché:
drush cache-rebuild
-- Ángel D. Fernández González -- (2016).