DRUPAL Instalación

Instalación e configuración do Mysql

• Cando instalemos o drupal, este vai facer uso dunha base de datos. Imos crear dita base de datos e un usuario que teña permisos sobre dita base de datos.

Xampp

Nota: Para cargar a pantalla gráfica de xestión do xampp podemos ir ao cartafol onde está instalado (/opt/lampp/) e executar o arquivo manager-linux-x64.run.

• Creando unha base de datos e un usuario para drupal
• 

  Comprobamos que temos iniciado o mysql e apache dende o xampp.

• 

  Abrimos un navegador e escribimos na url: localhost e seleccionamos o elemento de menú phpMyAdmin.

• 

  Escollemos a opción 'Base de datos'.

• 

  Introducimos o nome da BD e o 'cotejamiento'. Isto ven ser a xogo de caracteres (tipo de codificación) que vai a usar mysql con dita base de datos.

• 

  Unha vez creada a BD escollemos a opción de Privilegios e Agregar cuenta de usuario.

• 

  Introducimos o nome do usuario, password (anotala xa que a imos necesitar) e por defecto xa terá os privilexios para poder modificar a base de datos creada.

• 

  Prememos o botón Continue de abaixo de todo.

• 

  Teremos unha confirmación de que o usuario foi creado correctamente.

Instalación do Drupal

Pasos previos

• Primeiro debemos descargar a versión do drupal que queiramos.

• Accedemos a https://www.drupal.org/project/drupal e escollemos a versión a descargar.

• Graficamente, escollemos a versión dende o navegador e a descargamos.
• Dende consola coa orden: wget https://ftp.drupal.org/files/projects/drupal-8.1.8.tar.gz

• Unha vez descargada a descomprimimos:

• Graficamente, premendo dúas veces e descomprimíndoa.
• Dende consola coa orde: tar -zxvf /home/angel/Descargas/drupal-8.1.8.tar.gz

• Onde se move o cartafol descomprimido do drupal.

• Se estamos a utilizar xampp deberemos movelo ao cartafol /opt/lampp/htdocs/
• Se estamos a utilizar un servidor web (como apache) deberemos movelo ao cartafol onde cargue os sitios web (en apache é: /apache/htdocs).

Nota:: Cando se descomprime, normalmente teremos o nome 'drupal-8.1.8'. Podemos cambiarlle o nome a ese cartafol por 'drupal' pois despois o usaremos na URL do navegador.

• Copia do arquivo de configuración.

• Drupal necesita un arquivo de configuración de nome installation.php que se atopa no cartafol do drupal/sites/default (en xampp sería /opt/lampp/htdocs/drupal/sites/default).
• Deberemos copiar o arquivo default.settings.php que se atopa nese cartafol e copialo có nome installation.php.
• Deberemos cambiar os permisos do arquivo installation.php para que poida ser modificado. En Linux, poñeremos: chmod 777 installation.php

• Cambiando os permisos.

• Se o fixemos graficamente, o dono dos arquivos será o teu usuario, e se o fixeches dende consola será root (se usaches a orde sudo).
• Imos cambiar o dono para que sexa o usuario que utiliza o apache para conectarse. Este é www-data.
• Dende unha consola e con permisos sudo, executamos a orde: chown -R www-data:www-data drupal sendo 'drupal' o cartafol movido do paso anterior.

• Arquivos do idioma español.

• Durante a instalación podemos facer a instalación no idioma español. Será necesario ter creados uns cartafoles que por defecto non veñen.

• Crear o cartafol /cartafol_drupal/sites/default/files e darlle permisos de escritura chmod a+w /cartafol_drupal/sites/default/files.
• Crear o cartafol /cartafol_drupal/sites/default/files/translations e darlle permisos de escritura chmod a+w /cartafol_drupal/sites/default/files/translations.

• Activación do opcache.

• Temos que editar o arquivo php.ini (se estamos utilizando o XAMPP se atopa en /opt/lampp/etc/php.ini) e engadir (ou descomentar a liña no caso de XAMPP): zend_extension=opcache.so.
• Despois deberemos reiniciar o servidor apache para que colla a nova configuración.

Instalación

• Instalación de Drupal dende o navegador
• 

  Escribimos na url do navegador a seguinte dirección: http://localhost/drupal sendo drupal o nome do cartafol que eliximos cando o movimos ao cartafol htdocs.

• 

  Empeza un asistente de instalación. Escolleremos o idioma Español.

• 

  Eliximos o perfil Standard.

• 

  No seguinte paso introduciremos os datos da base de datos mysql (nome da base de datos, usuario e password) usados anteriormente. Fixarse que as 'Opcións avanzadas' están despregadas para que vexades a opción 'Prefijo del nombre de la tabla'. Esta opción se usuaria se ides utilizar unha base de datos Mysql xa existente e tedes táboas de outras aplicacións nese base de datos. Entón poñeríamos un prefixo (por exemplo drupal) e todas as táboas de drupal tería de nome drupal_nome. Desta forma poderiades distinguir cales son de drupal e cales das outras aplicacións...

• 

  Empeza a instalación do sitio.

• 

  Unha vez rematado se nos pide o nome do sitio, unha dirección de correo que será utilizada polo drupal (debería ser unha dirección do nome do dominio onde se estea a instalar o drupal), un usuario e password que vai ser o administrador do drupal

• 

  Dirección de correo electrónico do administrador, país e zona horaria. Podemos deixar marcados os check´s que van permitir recibir notificacións de actualizacións.

• 

  Unha vez instalado teremos que cambiar os permisos do arquivo installation.php: chmod 444 installation.php. Lembrar que dito arquivo se atopa no cartafol cartafol do drupal/sites/default (en xampp sería /opt/lampp/htdocs/drupal/sites/default).

• 

  Poñendo na Url do navegador: http://localhost/drupal xa podemos acceder ao sitio web do drupal.

Comprobacións trala instalación

• NOTA: Esta sección está asociada á realización do EXERCICIO 1.

• Unha vez entramos no drupal có usuario administrador (creado durante a instalación).

• Comprobacións de que todo estea correcto
• 

  Prememos na opción de Menú Administrar => Informes.

• 

  Escollemos a entrada de Informes de Estado.

• 

  Vemos como na imaxe nos informa que temos un problema de seguridade e un enlace onde nos explica como arranxalo.

• Para solucionalo deberemos editar o arquivo de configuración de drupal (que se atopa no cartafol do drupal/sites/default (en xampp sería /opt/lampp/htdocs/drupal/sites/default).

Unha vez editado ao final do arquivo poñeremos as seguintes liñas:

1 $settings['trusted_host_patterns'] = array(
2   '^www\.example\.com$',
3 );

Onde deberemos substituír www.example.com polo noso dominio. Respetada os caracteres '\' entre cada parte do dominio e o '$' no que acaba.

No caso de estar a desenvolver localmente podemos substituír o dominio pola cadea localhost: '^localhost$',

Unha vez cambiado podemos ir outra vez a o Informe de Estado e comprobar como xa non temos ningún indicador de perigo.

Configuración de permisos nos cartafoles de Drupal

• Máis información neste enlace.
• Información dos diferentes permisos que se poden otorgar en Linux neste enlace.
• Grupo de Drupal sobre seguridade neste enlace.

• Se non temos asinados uns permisos adecuados a nivel de cartafol e de arquivos, podemos ter múltiples buratos de seguridade no noso sitio.

• Como vimos anteriormente, o arquivo '/sites/default/installation.php' debería ter o permiso 444=>rrr (podería ter 400=>r-- se sabemos que o servidor web (no noso caso apache nun Linux con Ubuntu) usa como usuario (no noso caso www-data) un que é propietario do arquivo installation.php).

• O resto de cartafoles e arquivos debería ter permisos de lectura pero non de escritura.

• Para non ter que facelo manualmente podemos facer uso dun módulo que verifique que os permisos sexan os correctos.

-- Ángel D. Fernández González -- (2016).