ODS14. Vida submarina

A superficie do planeta está cuberta en máis do 70 % por auga, non só na súa forma líquida, senón tamén no aire como vapor e no solo como humidade. Estímase que máis de 3.000 millóns de persoas dependen da biodiversidade mariña e costeira para desenvolver o seu medio de vida, sen contar que tanto os mares como os océanos contribúen á habitabilidade do planeta.

En que consiste?

As metas perseguidas no ODS 14 están relacionadas coa protección dos océanos e mares, así como coa preservación da biodiversidade mariña existente no planeta, que ofrece un gran valor económico e social aos habitantes das zonas que dependen da superficie azul.

Exemplo.
A Gran Barreira de Coral en Australia achega máis de 60.000 postos de traballo e contribúe á economía australiana con máis de 6.000 millóns de dólares.

O gran risco que ameaza os océanos e mares está relacionado co alarmante aumento da contaminación debido aos plásticos en todas as súas formas, ademais da contaminación xerada en espazos industriais, comerciais e domésticos, que fai que estes plásticos rematen nos océanos e, por extensión, nas cadeas alimentarias.

Como se pode actuar?

As organizacións empresariais e os distintos sectores profesionais poden executar accións relacionadas cos recursos mariños, aínda que non atopen un vínculo directo evidente a simple vista.

Algunhas medidas:

• Redución dos plásticos: Os consumidores son cada vez máis conscientes do efecto prexudicial que teñen os plásticos para os mares e océanos. En todos os ámbitos empresariais e profesionais pódense tomar medidas para reducir a produción e o consumo, xa sexa en forma de envases ou de compoñentes e materiais de fabricación.
• Apostar polas 3R: Poñer en marcha as 3R: reducir, reutilizar e reciclar, vai contribuír á redución dos custos empresariais e tamén ao aumento da eficiencia nas empresas, apostando polos produtos reciclados e a economía circular.

No cine

• Lo que el pulpo me enseñó. Netflix
• El gran azul
• Mares en movimiento
• Océanos