PHP Funcións para xerar código. Constantes e variables

Funcións para xerar código

• NOTA: Esta sección está asociada á realización do EXERCICIO 1.

• Como comentamos anteriormente, normalmente imos ter código PHP dentro de código HTML. A execución do código PHP dará como resultado un código HTML que se integrará có resto do código.

• Para que PHP 'envío' cadeas que serán interpretadas polo navegador do cliente necesitamos utilizar as seguintes funcións.

Función echo

• Sintaxe: echo "Cadea a amosar";
• Enlaces de interese: Cadea de caracteres.

• O resultado de poñer esta liña será unha cadea que será visualizada polo navegador do cliente que fixo a petición.

• Exemplos:

 1 <!DOCTYPE html PUBLIC "-//W3C//DTD XHTML 1.0 Transitional//EN"
 2     "http://www.w3.org/TR/xhtml1/DTD/xhtml1-transitional.dtd">
 3 <html xmlns="http://www.w3.org/1999/xhtml" lang="es" xml:lang="es">
 4     <head>
 5         <meta charset="utf-8" />
 6         <title>Exemplos de códigos php</title>
 7     </head>
 8     <body>
 9 <?php
10     echo "Unha cadea";
11     echo "<br />";
12     echo "Outra cadea";
13     
14     echo "Podemos poñer todo xunto. <br /> Non temos por que usar echos diferentes...<br/>";
15     
16     echo "Neste caso " . "concatenamos dúas cadeas.<br/>";
17     echo 'Outra' ,' forma ', 'de concatenar....';
18     
19     echo "<h5> Podemos poñer calqueira código HTML que será visualizado polo navegador</h5>"
20     . "<h3>Asegurarse que se cumpre o estándar correspondente !!!";
21 
22 ?>
23     </body>    
24 </html>

Función print

• Ten o mesmo efecto que a función echo pero...

• print imprime unha cadea; echo pode imprimir máis dunha separadas por coma.
• print devolve un valor int que sempre ten valor 1 e polo tanto pode ser empregado dentro dunha expresión.
• echo pode ser un pouco máis rápido que print.

Exemplos de código:

1 <?php        
2         print "Esto é unha cadea impresa con print...";
3 ?>

Función printf

• Tamén produce unha saída pero permite establecer un formato dentro da cadea que amosa.
• Máis información: http://php.net/manual/es/function.sprintf.php

• Por defecto, se printf non leva argumentos produce a mesma saída que echo e print.

Así, por exemplo:

1 <?php        
2         printf ("Esto é unha cadea impresa con printf...");
3 ?>

• A principal vantaxe é que podemos engadir parámetros que será substituídos na cadea cun determinado formato.

Por exemplo:

1 <?php        
2     printf ("Isto é un número decimal %d<br/>",3.14);
3     printf ("Isto é un número flotante %f<br/>",3.14);
4     printf ("Isto é unha cadea %s</br>",3.14);
5     
6 ?>

Tamén está moi ben cando temos varias variables e non queremos estar concatenando una detrás doutra, ou que estean en metade da cadea....

1 <?php        
2 
3     printf("Esta '%s' terá varios parámetros coma este número: %d","cadea",10000);
4         
5 ?>

Función sprintf

• Ten a mesma sintaxe que a función printf, pero coa diferenza que o resultado vai ser gardado nunha variable (veremos as variables no seguinte punto).

Por exemplo:

1 <?php        
2     $resultado = sprintf("Esta '%s' terá varios parámetros coma este número: %d","cadea",10000);
3     echo $resultado;
4 ?>

Caracteres especiais dentro das funcións

• Pode darse o caso que necesitedes poñer dentro dun echo, printf,...caracteres que sexa interpretados pola función e que polo tanto non se visualicen.

• O clásico exemplo será poñer o caracter " dentro dunhas das funcións.
• Cando necesitemos poñer o carácter " dentro dunha función, temos varias opcións (no exemplo está aplicado á función echo pero valería para o resto):

1 <?php        
2         echo "Esta cadea \" está entrecomillada\" dentro dun echo...<br/>";
3         echo 'Outra forma "de entrecomillar" sería utilizando as comillas \'\'';
4 ?>

Como vemos o carácter escape é o carácter '\'.

Hai unha diferenza entre utilizar as comillas simples ou as dobres. O veremos claramente cando vexamos as variables. De todas formas un exemplo:

1 <?php        
2         echo 'Isto non se expandirá: \n unha nova liña';
3         echo "Isto se expandirá: \n unha nova liña";
4 ?>

• O mesmo que o anterior, pero aplicado a outro carácter especial. Esta vez ao carácter % dentro da función printf/sprintf.

Neste caso en vez de amosar dito carácter a función o vai interpretar como se fose un parámetro. Para 'escapar' dito carácter debemos de escribir dous veces o '%' como se amosa a continuación:

1 <?php        
2         printf("Quero amosar o %% e ademais paso un parámetro: %s","valor param");
3 ?>

Constantes

• As constantes son valores que normalmente se definen ao comezo do código e cuxo valor non varía ao longo do programa.

• Soen identificar por medio de letras maiúsculas.

• Os nomes das constantes poden empezar cunha letra ou guión baixo pero non poden empezar cun número.

• Distingue maiúsculas de minúsculas no seu nome.

 1 <?php   
 2 
 3     define('MEUNOME','Angel Fernández');
 4     echo "<p>Aquí poño o menu " . MEUNOME;
 5    
 6 ?>        
 7         <p> Outro párrafo....</p>
 8 <?php
 9     printf("Ola. Sigo sendo %s. Poido seguir referenciando a constante ao longo de toda a páxina.",MEUNOME);
10 ?>

• Nunha constante podemos definir parámetros que despois sexan substituídos polos seus valores coas funcións printf e sprintf:

1 <?php   
2 
3     define('CADEA_PRESENTACION','Ola usuario %s');
4 
5     printf(CADEA_PRESENTACION,'Angel');
6 ?>

Variables

• NOTA: Esta sección está asociada á realización do EXERCICIO 2.

• A diferenza das constantes, as variables poden cambiar o seu valor ao longo do programa.

• Non é necesario definilas nin declaralas.
• Distinguen maiúsculas de minúsculas no seu nome. '$var' é unha variable e '$Var' é outra variable diferente.
• A primeira letra do nome dunha variable debe ser un guión baixa ou unha letra. Non pode ser un número.
• Identifícanse por medio do símbolo $.

Nota: A pesares de que non é obrigatorio declaralas, eu aconsello establecer un valor ao comenzo da páxina e comentar o seu propósito, xa que pode suceder que utilicemos unha variable e despois cambiemos algunha letra da mesma, pasando a manexar outra variable diferente. Desta forma podemos ter una referencia ao nome da variable.

Exemplo de código:

1 <?php   
2     $varCadea="Isto é un variable de cadea";
3     $varNumero=50;
4 
5     echo $varCadea . "<br />";
6     echo $varNumero . "<br />";
7 
8 ?>

• PHP é unha linguaxe debilmente tipada. Quero isto dicir que as variables non se definen de ningún tipo, se non que o tipo vai depender do contido da variable.

Así, por exemplo, vou asinar a mesma variable diferentes tipos de datos e funcionará igualmente.

 1 <?php   
 2 
 3     $varTipos=5;
 4     echo $varTipos . "<br />";
 5     $varTipos='Cadea';
 6     echo $varTipos . "<br />";
 7     $varTipos=3.15454;
 8     echo $varTipos . "<br />";
 9     $varTipos=true;
10     echo $varTipos . "<br />";
11 ?>

• Dependendo do contido que teñan, as variables poden ser dun destes tipos escalares:

• integer: Os integers, ou enteiros, poden ter distintos valores numéricos enteiros que se expresan con diferentes notacións.

• $variable = 18; // Número entero positivo
• $variable = -18; // Número entero negativo
• $variable = 0x12; // Notación hexadecimal, en principio no la utilizaremos

• float ou double: Este tipo de datos son os números de punto flotante aos que normalmente chamamos números decimais, por exemplo, 9.876. Ambos teñen moita precisión, pero double é o máis preciso (con máis decimais). A sintaxe para utilizalos é bastante simple:

• $variable = 9.876;

• string: O tipo de datos string, tamén coñecido como cadea de caracteres, exprésase coa seguinte sintaxe:

• $variable = "Isto é unha cadea";

• boolean: Trátase dun tipo lóxico. Os seus posibles valores son true (verdadeiro) ou false (falso).

• $variable = true;
• $variable = false;

Existen máis tipos como podemos ver no seguinte enlace: http://php.net/manual/es/language.types.intro.php

Variables dentro das funcións que xeran código

• Anteriormente contamos que había unha diferenza entre utilizar comillas dobres ou simples na función echo.

Vexamos agora esta diferenza no uso de variables.

• Se usamos unha variable dentro da función echo:

• Con comillas dobres, a variable será substituída polo seu valor. Se expande.
• Con comillas simples, xerará a cadea $variable.

Por exemplo:

1 <?php   
2     $var = "Isto é unha variable de cadea";
3     
4     echo "A variable var con \" vale: $var<br/>";
5     echo 'A variable var con \' vale: $var<br />';
6 ?>

Dará como resultado:

1 A variable var con " vale: Isto é unha variable de cadea
2 A variable var con ' vale: $var

Funcións

• PHP ten unha multitude de funcións para facernos a vida máis sinxela á hora de programar.

• Aconsello antes de 'programar' algo cos valores das variables (tipo dividir unha frase en palabras, quitar espazo en branco, redondeo, número máis alto de varios,...) consultar as seguintes funcións:

• Funcións aplicadas a cadeas.
• Funcións matemáticas.
• Funcións aplicadas a arrays.

Ámbito

• Máis información no enlace seguinte: http://php.net/manual/es/language.variables.scope.php

• O ámbito é un concepto que fai referencia á 'visibilidade' dunha variable dentro dun programa.

• Normalmente, en outras linguaxes de programación, unha variable definida a nivel de programa é visible para todas as funcións dentro dese programa. En PHP non pasa así.

• Aínda que non vimos como crear funcións en PHP as introduciremos neste punto para explicar os ámbitos.

Vexamos un exemplo:

 1 <!DOCTYPE html PUBLIC "-//W3C//DTD XHTML 1.0 Transitional//EN"
 2     "http://www.w3.org/TR/xhtml1/DTD/xhtml1-transitional.dtd">
 3 <html xmlns="http://www.w3.org/1999/xhtml" lang="es" xml:lang="es">
 4     <head>
 5         <meta charset="utf-8" />
 6         <title>Exemplos de códigos php</title>
 7     </head>
 8 <?php
 9     function modificarVar(){
10         
11         $var=10;
12         printf('$var--->%d despois de ser modificada. Impreso dentro da función.<br/>',$var);   // PREGUNTA: Por que printf leva comillas simples nesta orde ?
13         
14     }
15 ?>    
16     <body>
17 <?php   
18 
19     $var = 100; // Isto é unha variable de cadea
20 
21     modificarVar();
22     printf('$var--->%d despois de ser modificada.Impreso fora da función.<br/>',$var);
23     
24 ?>
25     </body>    
26 </html>

O resultado será isto:

1 $var--->10 despois de ser modificada. Impreso dentro da función.
2 $var--->100 despois de ser modificada.Impreso fora da función.

Como vemos, despois de chamar á función, imprimimos o valor da variable $var, e non imprime o valor modificados, se non o valor orixinal.

• En PHP para poder modificar o valor dunha variable a nivel GLOBAL temos dúas formas:

• Definindo novamente a variable dentro da función antepoñendo o prefixo global.
• Acceder a dita variable có array $GLOBALS[nome_variable]. O nome da variable non leva '$' dentro do array.

Vexamos o mesmo exemplo aplicando as dúas solucións:

 1 <?php
 2     function modificarVar(){
 3         
 4         global $var;
 5         
 6         $var=10;
 7         printf('$var--->%d despois de ser modificada. Impreso dentro da función.<br/>',$var);  
 8         
 9     }
10 ?>

1 <?php
2     function modificarVar(){
3         
4         $GLOBALS['var']=10;
5         printf('$var--->%d despois de ser modificada. Impreso dentro da función.<br/>',$GLOBALS['var']);   
6         
7     }
8 ?>

Nota: Fixarse que a variable $var dentro da función non existe. Se intentamos imprimila non terá valor asinado. Poderíamos traballar cunha variable $var dentro da función, pero sería diferente á $GLOBALS['var'].

Nos dous casos anteriores o resultado será isto:

1 $var--->10 despois de ser modificada. Impreso dentro da función.
2 $var--->10 despois de ser modificada.Impreso fora da función.

Comprobación de definición e asignación

• En PHP temos dúas funcións para saber se unha variable está definida / ten valor asinado.

• Función isset($var): Devolve TRUE se var existe e ten un valor distinto de NULL; FALSE en caso contrario.
• empty($var): Devolve FALSE se var existe e ten un valor no baleiro, distinto de cero. Doutro modo devolve TRUE.

As seguintes expresións son consideradas como baleiras:

• "" (una cadena vacía)
• 0 (0 como un integer)
• 0.0 (0 como un float)
• "0" (0 como un string)
• NULL
• FALSE
• array() (un array balairo)
• $var; (unha variable declarada, pero sen un valor)

• Vexamos un exemplo:

 1 <?php   
 2 
 3     $var1 = 100; 
 4 
 5     printf("Valor de var1: %s<br/>",$var1);
 6     printf("isset: %b<br/>",isset($var1));
 7     printf("empty: %b<br/>",empty($var1));
 8     
 9     $var1 = null; 
10 
11     printf("Valor de var1: null<br/>");
12     printf("isset: %b<br/>",isset($var1));
13     printf("empty: %b<br/>",empty($var1));
14     
15     $var1 = ''; 
16 
17     printf("Valor de var1: %s<br/>","''");
18     printf("isset: %b<br/>",isset($var1));
19     printf("empty: %b<br/>",empty($var1));
20     
21 
22         // Comprobamos agora o que vale unha variable non definida....
23     printf("Valor de var2: %s<br/>","sen asinar");
24     printf("isset: %b<br/>",isset($var2));
25     printf("empty: %b<br/>",empty($var2));
26    
27 ?>

• Da como resultado:

Valor de var1: 100
isset: 1
empty: 0
Valor de var1: null
isset: 0
empty: 1
Valor de var1: ''
isset: 1
empty: 1
Valor de var2: sen asinar
isset: 0
empty: 1

• Nota: Estas funcións serán utilizadas para comprobar se os datos dun formulario están cubertos ou non.

-- Ángel D. Fernández González -- (2016).