PHP Modelo - Vista - Controlador

Listado de perfumes

• Dende unha vista imos listar todos os perfumes que teña a base de datos e dentro da mesma imos ter as opcións de alta, baixa e modificación de novos perfumes.

A pantalla terá este aspecto:

Como podemos observar dispoñemos:

• Na parte esquerda dun menú coa opción 'Operacións Perfumes' que carga a páxina que se ve na imaxe.
• Na parte dos datos, temos un enlace que permite crear un novo perfume e despois na lista de perfumes, a carón de cada un deles, temos a opción de modificar ou eliminar un perfume.

• Creamos o controlador

• Podemos emplear este comando: php artisan make:controller PerfumeController --resource para crear unos métodos 'estándares' aplicadas a un modelo.

Los métodos que se crean en el controlador serán:

• index(): Mostrar unha lista de todos os rexistros.
• create(): Mostrar un formulario para crear un novo rexistro.
• store(): Gardar o novo rexistro na base de datos.
• show(): Amosar un rexistro específico.
• edit(): Amosar un formulario para editar un rexistro existente.
• update(): Actualizar un rexistro específico na base de datos. Tería como entrada os datos do formulario amosados en edit.
• destroy(): Eliminar un rexistro específico.

• Se non queremos crealos podemos empregar a orde: php artisan make:controller PerfumeController e definir nos o nome dos métodos.

• O comando anterior crea o arquivo: : /app/Http/Controller/PerfumeController.php

• Creamos a ruta. Máis información en este enlace.

Arquivo: /app/routes/web.php

<?php

use Illuminate\Support\Facades\Route;

use app\Http\Controllers\PerfumeController;


Route::get('/perfumes','PerfumeController@index')->name('perfumes.listar');

Como vemos, cando na url escribamos http://dominio/perfumes (en probas sería: http://localhost:8000/perfumes) e prememos a tecla enter (acción get) se chamará ao método index do controlador PerfumeController.

Ao darlle un nome á ruta (pode ser calquera nome, non ten porque coincidir coa ruta, pero desta forma é mais doado de acordarse) poderemos empregar dito nome para dende as vistas referenciar a ruta da forma Route('nome_ruta') ou cando facemos redirección dende o controlador (xa o veremos).

Podemos engadir unha entrada resource no arquivo de rutas sustituindo á anterior:

Route::resource('perfumes', PerfumeController::class);

Se executades o comando dende o terminal: php artisan route:list podedes comprobar como se crearon todas as rutas necesarias para xestionar a táboa Perfume (listado , alta, baixa, modificación e detalle).

Imos empregar esta forma pero lembrar que se fan 'manualmente'. De forma manual podemos poñer o verbo que queiramos (post, delete,...) e enviar parámetros na url da forma http://url/parametro1.

Modificamos agora o controlador para que cargue a vista.

Arquivo: /app/Http/Controller/PerfumeController.php

 1 <?php
 2 
 3 namespace App\Http\Controllers;
 4 
 5 use Illuminate\Http\Request;
 6 
 7 use App\Http\Requests;
 8 use App\Perfume;
 9 
10 class PerfumeController extends Controller
11 {
12    .......
13 
14     public function index()
15     {
16         $perfumes = Perfume::orderBy('descripcion')->get();
17         return view('perfumes.operacions_perfumes')
18                 ->with(['perfumes'=>$perfumes]);
19     }
20 
21 
22 }

Como vemos, estamos chamando á vista operacions_perfumes dentro dun cartafol 'perfumes' creado en views. Mandamos como parámetro a lista de perfumes da base de datos ordenados polo campo descripción.

• Creamos a vista:

Arquivo /resource/views/perfumes/operacions_perfumes.blade.php

Nota: Creamos un cartafol dentro de /resources/views/perfumes

 1 @extends('plantilla')
 2 
 3 @section('pageTitle', 'Lista de Perfumes')
 4 @section('content')
 5 
 6 <div>
 7 <a href="/perfumes/alta" >NOVO PERFUME</a>    
 8 </div>
 9 
10 <h5>Hai {{$perfumes->count()}} perfumes en la base de datos.</h5>
11 
12 <table>
13     <tr>
14         <th>Descripción</th>
15         <th>Prezo</th>
16         <th>Data compra</th>
17         <th>Operaciones</th>
18     </tr>
19     @foreach($perfumes as $perfume)
20         <tr>
21             <td>{{$perfume->descripcion}}</td>
22             <td>{{number_format($perfume->prezo,2,',','')}}</td>
23             <td>{{$perfume->data_compra ? $perfume->data_compra->format('d/m/Y'): ''}}</td>
24             <td><a href="/perfumes/{{$perfume->id_perfume}}/edit" >Modificar</a> <a onclick="return confirm('Estás seguro de eliminar o perfume {{$perfume->descripcion}} ?');" href="/perfumes/{{$perfume->id_perfume}}/delete" >Eliminar</a></td>
25         </tr>
26     @endforeach
27 
28 </table>
29 
30 
31 @if(session()->has('msg')) 
32     <h3>{{session('msg')}}</h3>
33 @endif
34 
35 @endsection

• Liña 7: Facemos un enlace á ruta /perfumes/alta a cal cargará a vista que amosa o formulario de alta dun novo perfume.
• Liña 10: Chamamos a función count() da clase Collect para amosar o número de rexistros atopados na base de datos.
• Liña 19: Percorremos cada un dos perfumes da colección.
• Liña 22: O prezo é un decimal en Mysql e se garda có punto como separación dos números decimais. O que facemos é substituír o punto por unha coma.
• Liña 23: O data de compra é un campo opcional, polo que pode vir cun valor nulo. Nese caso, a chamada á función format provocaría unha excepción polo que preguntamos utilizando o operador ternario se ten dato. En caso de que non teña amosamos a cadea baleira.
• Liña 24: Temos dous enlaces para as operacións de actualización e baixa: /perfumes/id_perfume/edit => cargará a vista que actualiza e /perfumes/id_perfume/delete => borra o perfume.