PHP Introdución UD7

• Ata o de agora, estabamos a desenvolver aplicacións web no que o seu código se xeraba no servidor e se enviaba o resultado de dita execución ao cliente.

Normalmente o que recibe o cliente é codigo HTML, pero tamén poderíamos xerar javascript ou calquera outra linguaxe que o navegador sexa capaz de interpretar.

• Tamén vimos ao principio deste curso, que a diferenza do código de servidor, tamén temos a opción de empregar código que se executa no navegador do cliente, como o mencionado Javascript.

• Neste punto imos ver unhas tecnoloxías que permiten facer unha especie de mistura entre o código de cliente e o código do servidor. Concretamente imos aprender a empregar:

• Fetch e Promise. Promise permite xestionar tarefas asíncronas (como a chamada a un servidor) e Fetch é unha función específica que devolve unha Promise e se emprega para hacer solicitudes HTTP.
• Livewire que é propio de Laravel. Leva o concepto de Ajax a compoñentes de Laravel. Veñen ser como 'pequenas' vista-controlador de Laravel de tal forma que cando se producen cambios na vista, se poden recoller no controlador e este pode mandar visualizar novo contido á vista sen necesidade de recargar toda a páxina.

Todas van permitir buscar información a un servidor dende o cliente, pero a diferenza da linguaxe PHP, non imos necesitar cargar toda a páxina, xa que van permitir chamar a un código que se vai executar no servidor, obter a resposta e poder visualizala no cliente, sin necesidade de recargar a páxina completa.

Volver á UD7

-- Ángel D. Fernández González -- (2024).