ODS5. Igualdade de xénero

A desigualdade de xénero está presente en todos os lugares do mundo, independentemente do grao de desenvolvemento social e económico da poboación, e maniféstase de diversas formas:

• Desigualdades de acceso ao mercado laboral ou a determinados postos de traballo.
• Violencia sexual ou explotación laboral.
• Disparidade nas remuneracións ou condicións laborais.
• Discriminación en cargos de responsabilidade nas empresas e, mesmo, en cargos públicos.

En que consiste?

As metas e sub-metas do ODS 5 perseguen a eliminación de todas as formas de discriminación cara ao sexo feminino, a posta en valor da atención non remunerada e o traballo doméstico das mulleres e nenas en todas as sociedades, así como a consecución, de maneira independente, do empoderamento feminino.

Na busca da igualdade de xénero, obteranse os seguintes beneficios empresariais e profesionais:

• Impacto positivo na economía.
• Maior rendemento empresarial.
• Atracción e retención de talento feminino.

Como se pode actuar?

As organizacións empresariais poden ver incrementada a produtividade se elaboran e executan políticas de paternidade igualitarias, proporcionando maior flexibilidade e un compromiso claro de xénero.

Exemplo.
As empresas poden apostar pola educación da brecha salarial e, desta maneira, aumentar a motivación das mulleres e as posibilidades de ascender a postos de maior responsabilidade e envergadura laboral e económica.

O empoderamento da muller non só se refire ao ámbito empresarial e laboral, senón que cobran gran importancia tanto as cadeas de subministración como o financiamento para a creación de novas empresas e proxectos empresariais.

Os programas de conciliación da vida familiar e profesional para homes e mulleres son un dos piares básicos para a consecución do ODS 5 e o logro efectivo da igualdade de xénero.

No cine

• Una cuestión de genero
• Talentos ocultos
• En tierra de hombres
• Tódalas mulleres que coñezo

Referencias

• 0 25-N. Dia internacional de eliminación das violencias contra as mulleres. Material didáctico
• O 8-M. Día internacional da muller. Material didáctico
• Mujeres y hombres en España. INE.