DRUPAL Módulos Instalación

Aumentando o tamaño dos arquivos que podemos subir ao Drupal

• Se durante a instalación dun Módulo vos aparece unha mensaxe de que o arquivo ten un tamaño superior a 2MB e que non se pode instalar, quere dicir que a configuración do PHP está configurada para ese límite e impide que se poidan subir ao servidor arquivos superiores a dito tamaño.

Para solucionalo poderíamos editar o arquivo de configuración de PHP (php.ini) e aumentar ese límite, pero como normalmente ides ter o CMS instalado nun aloxamento compartido, non teredes acceso a dito arquivo.

Para solucionalo podedes editar o arquivo /cartafol_instalado_drupal/.htaccess e engadir estas liñas:

php_value upload_max_filesize 10M
php_value post_max_size 10M

No exemplo estamos a poñer un límite de subida de arquivos cun tamaño máximo de 10MB.

Tedes unha explicacións máis detallada (aplicada a o CMS Moodle) no meu blog.

Instalación

• Un módulo amplía as funcionalidades de Drupal.

Graficamente

• Instalado un novo módulo
• 

  Imos a opción de menú Administrar => Ampliar e prememos o botón Instalar nuevo módulo.

• 

  Nesta pantalla podemos indicar onde se atopa o módulo (descargado previamente no noso computador) premendo o botón Examinar ou ben podemos ir á paxina de descarga do módulo e copiar a URL do módulo en formato tar.gz, como se ve na seguinte imaxe.

• 

  Copiamos a url do módulo para a versión de Drupal que teñamos instalada.

• 

  Pegamos a URL na páxina de instalación e prememos o botón de Instalar.

• 

  Ao final temos unha mensaxe de instalación completada.

Por consola

• Neste exemplo vaise instalar o módulo SMTP necesario para poder enviar correos electrónicos dende Drupal (por exemplo cando un usuario non lembra o seu contrasinal e preme a opción para enviarlle por correo as instrucións para recuperalo).

• Instalando o módulo SMTP Authentication Support
• 

  Iremos a páxina de descarga do módulo e copiaremos a URL ou descargaremos a versión correspondente á versión do Drupal instalado. Nos imos a descargar o módulo localmente. Deberemos premer na columna de 'Download' sobre a versión correcta. Escollede a versión comprimida tar.gz e deixada en /tmp/.

• 

  Descomprimimos o arquivo baixado coa orden: tar -xzvf /tmp/smtp-8.x-1.0-alpha2.tar.gz. Mover a continuación o cartafol smtp/ ao cartafol onde Drupal instala os módulos. Dito cartafol de atopa en /drupal/modules. No caso de utilizar xampp estará en /opt/lampp/htdocs/drupal/modules. Cambiar o propietario de dito cartafol coa orde: chown -R www-data:www-data smtp.

Activación

• Despois da instalación dun novo módulo teremos que activalo.
• Pode suceder que dito módulo apareza como inhabilitado. Normalmente será debido a que dito módulo depende doutro. O problema que temos en Drupal é que non informa de dita dependencia se non prememos sobre a descrición do módulo como amosa a seguinte imaxe:

• Activando o módulo SMTP Authentication Support
• 

  Agora se imos a opción de menú Administrar => Ampliar podemos ver que aparece o módulo SMTP. Deberemos marcalo e desprazarnos ata a parte baixa da páxina e premer o botón Instalar.

• 

  Aparece unha pantalla de progreso de instalación.

• 

  Ao final temos unha mensaxe de instalación completada.

-- Ángel D. Fernández González -- (2016).