Instalación Android Studio

Introdución

Inicialmente para desenvolver aplicacións có Android Studio necesitamos ter instalado:

• O JDK.
• O SDK.
• O Android Studio.

Como o Android Studio xa se pode descargar có SDK só teriamos que ter instalado previamente o JDK.

• Compoñentes a instalar:

	O Oracle JDK 7 (Java Development Kit)
	O SDK (Software Development Kit) de Android (xa ven có Android Studio)
	O Android Studio. IDE para desenvolver aplicacións Android.

Nota: Pódese utilizar un VirtualBox e facer a instalación nunha máquina virtual, aínda que dependerá da potencia do equipo e a memoria que teñades, que vos dea un bo desempeño. Se o facedes desta forma deixade a lo menos 20GBs de espazo en disco, xa que instalado un dispostivo virtual e as opcións por defecto xunto có S.O. (eu o fixen nun Linux Mint 17.3) vos colle xa 12GBs. De todos xeitos, eu recomendo facelo no equipo real para que vos funcione 'decentemente'.

Instalación Oracle JDK

• Para poder desenvolver aplicacións é necesario ter instalado o JDK. Non chega có JRE.

O JDK versión 7 ou superior é necesario se queremos desenvolver aplicacións para o Android 5.0 ou superior.

Para comprobar que versión do JDK tedes instalada podedes abrir un terminal / consola e escribir na liña de comandos: javac --version.

• Vaise instalar a versión 8.

• Para instalalo podemos ir directamente a páxina de Oracle e descargar a versión correspondente a nosa plataforma: http://www.oracle.com/technetwork/java/javase/downloads/jdk8-downloads-2133151.html (deberemos aceptar os termos da licenza para poder descargala).

Escolleremos a plataforma correspondente.

Windows

• Máis información sobre a instalación neste enlace.

• Unha vez instalado debemos engadir a variable de contorno PATH da forma:

• Actualizando a variable de contorno PATH en WINDOWS
• 

  Sobre un explorador de Windows, prememos o botón derecho sobre 'Equipo' e escollemos la opción 'Propiedades' (é o mesmo que ir ao Panel de control => Sistema => Seguridade)

• 

  Na parte esquerda escollemos a opción Configuración avanzada del sistema.

• 

  Prememos o botón Variables de entorno.

• 

  Seleccionamos a variable de contorno PATH e prememos o botón Editar.

• 

  Teremos que ter anotada a ruta onde se instalou o JDK e dentro deste o cartafol bin.

• 

  Engadimos a nova ruta e prememos o botón Aceptar.

• 

  Se abrimos unha consola (cmd) podemos escribir a orde: javac -version e comprobar que está instalada a versión 8.

• ===Linux===
• Unha vez instalada podemos comprobar a versión escribindo: '''javac version'''
• * Se temos varias versións instaladas do JDK (por exemplo a OpenJDK) podemos escoller unha o outra coa orde:
• Sudo update-alternatives --config java
• * Para establecer automaticamente as variables de contorna podemos executar (neste caso para a versión 7):
• Sudo apt-get install oracle-java7-set-default
• ==Android Studio==
• * Debemos de dirixirnos a paxina web para descargar o Android Studio: https://developer.android.com/sdk/index.html
• * Windows:
• Microsoft® Windows® 7/8/10 (32- or 64-bit)
• 3 GB RAM mínimo, 8 GB RAM recomendado más 1GB para o emulador de Android.
• 2 GB de espazo en disco,4 GB recomendados (500 MB para el IDE + 1.5 GB para o Android SDK e as imaxes dos emuladores)
• 1280 x 800 é a resolución mínima recomendada.
• Java Development Kit (JDK) 7
• Para ter a aceleración dos emuladores: Intel® processor con soporte para Intel® VT-x, Intel® EM64T (Intel® 64)
• * Mac OS X:
• Mac® OS X® 10.10 (Yosemite) or higher, up to 10.13 (macOS High Sierra)
• 3 GB RAM mínimo, 8 GB RAM recomendado más 1GB para o emulador de Android.
• 2GB de espazo en disco.4 GB recomendados (500 MB para el IDE + 1.5 GB para o Android SDK e as imaxes dos emuladores,
• 1280 x 800 de resolución de pantalla mínima.
• Java Development Kit (JDK) 7
• Para ter a aceleración dos emuladores: Intel® processor con soporte para Intel® VT-x, Intel® EM64T (Intel® 64)
• * Linux:
• GNOME or KDE desktop
• GNU C Library (glibc) 2.19 o posterior
• 3 GB RAM mínimo, 8 GB RAM recomendado más 1GB para o emulador de Android.
• 2GB de espazo en disco.4 GB recomendados (500 MB para el IDE + 1.5 GB para o Android SDK e as imaxes dos emuladores,
• 1280 x 800 de resolución de pantalla mínima.
• Java Development Kit (JDK) 7
• Oracle® Java Development Kit (JDK) 7
• Probado nun Ubuntu® 14.04, Trusty Tahr de 64 bits.
• * O proceso de instalación é bastante parecido en todos os S.O., sendo Windows máis sinxelo de instalar:
• 

  Imos a páxina de descarga do Android Studio e prememos no botón 'Download Android Studio'.

• 

  En Windows comezará a descarga. Nos outros S.O. debemos escoller o arquivo correspondente na sección Download Options.

• 

  Marcamos o check de aceptar a licenza e prememos o botón Download.

Windows

• En Windows o proceso de instalación do programa é o seguinte:

• Instalación Android Studio
• 

  Aparece a pantalla de benvida. Prememos o botón Next.

• 

  Indica os compoñentes que se van instalar. Deixamos todo por defecto. Prememos o botón Next.

• 

  Escollemos o cartafol onde imos a instalar o Android Studio. Prememos o botón Next.

• 

  Indicamos o cartafol do menú de inicio onde vai quedar a icona do Android Studio. Prememos o botón Install.

• 

  Comeza o proceso de instalación.

• 

  Informa que a instalación se completou. Prememos o botón Next.

• 

  Por defecto ten marcada a opción de comezar a executar o android studio. Prememos o botón Finish e a instalación rematará.

Linux

• En Linux e Mac OS X debemos descomprimir o arquivo baixado.

1   sudo unzip android-studio-ide-141.2422023-linux.zip -d .

O parámetro -d indica en que cartafol se vai descomprimir o arquivo.

• Para executalo debemos situarnos no cartafol descomprimido, acceder ao cartafol /bin e dentro deste executar o arquivo:

1   ./studio.sh

• Se queremos que estea dispoñible para todos os usuarios, debemos movelo a /opt:

1   sudo mv android-studio /opt/

Despois debemos facer un acceso directo no escritorio. Creamos un arquivo coa orde: sudo nano android.desktop e escribimos o seguinte:

1 [Desktop Entry]
2  Name=Android Studio
3  Comment=Integerated Development Environment for Android
4  Exec=/opt/android-studio/bin/studio.sh
5  Icon=/opt/android-studio/bin/studio.png
6  Terminal=false
7  Type=Application
8  Categories=Development;IDE

Despois executamos a orde:

1   desktop-file-install android.desktop

E xa podemos escribir o texto Android nos programas instalado e aparecerá a icona para lanzalo:

Executando por primeira vez o IDE

• Cando se executa por primeira vez teremos que indicar nun dos pasos explicados despois, onde vai a descargarse o Android SDK.

O Android SDK é o conxunto de librerías e utilidades que van permitirnos facer:

• Debugger
• Crear Dispositivos Virtuais de Android (AVD). Son emuladores dun S.O. Android.
• Documentación e códigos de exemplo.
• Incorpora a ferramenta ADB (Android Debug Bridge) que permite conectarnos cun dispositivo ou emulador Android.

O veremos máis adiante en profundidade.

Durante o asistente vai preguntar onde queremos descargar o Android SDK. Inicialmente o descarga no perfil do usuario conectado, pero isto ten como desvantaxe que outro usuario non tería acceso e tería que descargar o seu propio SDK.

Para evitalo imos crear un cartafol:

• WINDOWS:

O podemos facer no raíz do disco, nun cartafol C:\SDK creado previamente.

• LINUX:

Creamos un cartafol en /opt:

1 sudo mkdir /opt/sdk
2 sudo chmod 777 /opt/sdk

• A primeira vez que se executa aparece un asistente para a creación dun novo proxecto Android.

• Instalación Android Studio
• 

  Executamos en Windows o programa ou ben dende linux, utilizando o terminal, executamos o orde: /opt/android-studio/bin/studio.sh (ou graficamente como indicamos antes)

• 

  Primeiro nos informa se queremos importar a configuración dunha versión de Android Studio previa. No noso caso, non temos.

• 

  Amosa unha pantalla de benvida. Prememos o botón Next.

• 

  Agora debemos indicar onde está o JDK instalado.

• 

  Se prememos o botón 'Detect' debería aparecer a ruta (no caso de Linux, se seguimos o exemplo, debería ser /usr/lib/jvm/java-7-oracle)

• 

  Nesta pantalla debemos escoller se queremos unha instalación stándard ou personalizada. No caso da personalizada podemos indicar a aparencia que vai ter o IDE. Escolleremos a personalizada.

• 

  Escollemos a aparencia que vai ter o IDE. Deixaremos a opción por defecto Intellij.

• 

  Nesta pantalla debemos escoller que versión do SDK baixe descargar para desenvolver as aplicacións Android. Baixará a última dispoñible. Na parte baixa indica a ruta onde van descargarse os arquivos do SDK. É importante sinalar que se deixamos a ruta por defecto, os arquivos do SDK estarán no perfil do usuario (en Windows pasa o mesmo) polo que aconsello descargalos nalgún cartafol no que teñan acceso todos os usuarios. En Linux imos escoller a ruta /opt/sdk creada previamente. En Windows indicaremos a ruta C:\SDK. Marcaremos a opción Android Virtual Device para que descargue un emulador.

• 

  Nesta pantalla se indica todo o que se vai descargar.

• 

  Nesta pantalla se indica que se pode utilizar a aceleración Hardware utilizando kvm. Máis adiante explicaremos o necesario para ter unha aceleración por hardware dos emuladores.

• 

  Empeza a descarga.

Creando o primeiro proxecto Android

• Cando abrimos por primeira vez o IDE do Android Studio ofrece a posibilidade de crear un novo proxecto Android:

Neste asistente podemos:

• Crear un novo proxecto Android.
• Abrir un proxecto existente.
• Traballar con versións que sexan sincronizadas con Gint, ou outras ferramentas coma Subversion ou Mercurial.
• Depurar unha aplicación.
• Importar proxectos dende outros IDE´s coma Eclipse.
• Importar códigos de exemplo de aplicacións Android.

• Na parte baixa temos as opcións de:

• Configure: Opcións de configuración. Indicar onde se atopa o Android SDK, procurar actualizacións, configurar múltiples opcións do IDE, Importar ou Exportar a configuración,...
• Get Help. Documentación.

Cabe sinalar que estas opcións tamén as temos dende o propio IDE se pechamos o asistente de inicio:

Unha vez premido a opción de 'Novo proxecto Android' empeza un asistente:

• Creando o primeiro proxecto Android
• 

  Indicamos o nome da aplicación, o dominio da compañía que vai desenrolar o xogo e a localización. O xogo crearase dentro do paquete de nome: dominio da compañía + nome do xogo (se pode cambiar premendo o botón de Edit). Cando se instala unha aplicación en Android, vaise instalar nun cartafol có nome do paquete, polo que non pode haber dúas aplicacións có mesmo nome de paquete.

• 

  Nesta pantalla indicamos o tipo de dispositvo a quen vai dirixado a aplicación (no noso caso escolleremos Phone and Tablet) e a partires de que API imos desenvolver o proxecto (indícanos que porcentaxe de dispositivos van poder executar a aplicación en base a API escollida, lembrade que xa vimos o porcentaxe de uso de cada versión da API anteriormente nesta Wiki). Con isto empezará unha descarga dos arquivos necesarios e premeremos o botón Next.

• 

  Na seguinte pantalla podemos escoller un 'molde' a partires de cal crear a nosa aplicación. Escolleremos a opción Empty Activity.

• 

  Neste paso indicaremos o nome da Activity (podemos identificar cada activity como unha pantalla da nosa aplicación, aínda que non ten porque ser) e o seu layout asociado (o layout ven ser a parte gráfica da Activity, onde están os botóns, caixas de texto,...). Desmarcamos a opción Backwards Compatibility. Esta opción é necesario se estamos a desenvolver aplicación para dispositivos moi antigos (a partires da API 7) e queremos que teñan compoñentes actuais como a barra de acción (máis información neste enlace.

• 

  No paso final prememos o botón Finish.

Coñecendo o IDE

• Ao iniciar o Android Studio por primeira vez pode ser que vos apareza un erro de que é necesario instalar unha certa versión das build-tools.

Para solucionalo teredes que premer no enlace do propio erro:

• Solucionando erro das build-tools
• 

  Temos un erro por non ter o SDK instalado as build-tools, necesarias para crear as aplicación Android.

• 

  Aceptamos os termos do contrato e prememos o botón Next.

• 

  Comeza a instalación.

• 

  Unha vez rematada xa temos o proxecto sen erros.

• Dentro do Android Studio podemos ter diferentes 'vistas' do proxecto.

O lóxico é que traballemos sobre a vista Android:

• Para configurar múltiples opcións do programa podemos ir aos settings (atópase tamén no menú File):

Android SDK

O Android SDK xa ven có Android Studio e polo tanto non é necesario instalalo separadamente como sucedía có Eclipse.

Para ver onde está instalado iremos a settings (visto anteriormente) ou escolleremos esta opción da barra de ferramentas superior:

Aparecerá a seguinte pantalla:

Se prememos no check Show Package Details podemos indicar que partes de cada versión do S.O. Android queremos descargar (non todas son necesarias).

Vemos a ruta do SDK. Se o cambiamos deberemos modificalo aquí.

Android SDK Manager

• SDK Manager é un programa que nos vai permitir descargar as diferentes API´s xunto coas imaxes necesarias para crear máquina virtuais desas API´s de Android.

Anteriormente podíamos executar dito programa de forma autónoma indo a ruta de instalación do SDK Manager e dentro desta tools/bin/sdkmanager.

Agora xa non é posible e debemos ir a través do Android Studio, no menú 'File' => 'Settings' => SDK ou na icona indicada anteriormente:

Na ruta indicada aínda temos un arquivo de nome sdkmanager.bat que serve como comando en liña para xestionar os paquetes pero por consola en vez de facelo graficamente dende o IDE.

Máis información neste enlace.

Ó lanzar o SDK Manager aparecerá a seguinte pantalla:

Como vemos temos as mesmas opcións da pantalla anterior pero tamén unha apartado de Tools onde podemos actualizar o Android SDK instalado.

Na parte baixa dispoñemos da sección 'extras' onde cabe sinalar o Google USB Driver para que cando conectemos un dispositivo físico o recoñeza e podamos instalar aplicacións sobre él (non funciona con todos, pode ser necesario instalar drivers específicos do fabricante) e o Intel x86 Emulator Accelerator, usado para que os dispositivos virtuais corran moito máis rápido (só funciona en Windows e procesadores Intel).

• Nota: Cabe sinalar como xa vimos neste enlace que compoñentes deben ser descargados de cada API.

Actualizacións Android Studio

Para cambiar o 'canal' que utiliza Android Studio para buscar actualizacións debemos ir á opción do menú: File => Settings => Appearence & Behavior => System Settings => Updates.

Máis información neste enlace.

Ao facer a actualzación do Android Studio pode ser que nos indique a necesidade de descargar a nova versión nun zip. Se é o caso non imos poder actualizar e os pasos a seguir son os seguintes:

• Executando a versión Desktop
• 

  Comprobamos se existe unha nova versión do Android Studio (normalmente xa aparece un aviso ao abrir o IDE).

• 

  Descargamos o zip e o descomprimimos nun cartafol.

• 

  Executamos o arquivo studio ou studio64 dependendo do computador. Ao facelo se nos da a posibilidade de importar as preferencias da versión anterior de Android. Unha vez iniciado o Android Studio xa podemos continuar traballando coa nova versión. Podemos borrar o cartafol anterior e mover o novo a antigua ubicación.

• Ao actualizar o Android Studio pode suceder que nos dea un aviso da necesidade de actualizar o Plugin Gradle.

Actualizacións Plugin Gradle

• Para consultar as versión de Gradle dispoñibles podemos visitar este enlace.

Para cambiar a versión do Gradle temos que editar o arquivo gradle-wrapper.properties

• Para consultar a versión do Plugin Gradle que vai facer uso da distribución anterior, podemos consultar este enlace.

Para cambiar a versión do Plugin Gradle temos que editar o arquivo Build.gradle do Proyect

-- Ángel D. Fernández González -- (2018).