DRUPAL Instalación

Sumario

1 Instalación do Lampp
2 Instalación do Apache
3 Instalación e configuración do Mysql
4 Instalación do PHP
5 Módulos en PHP
6 Instalación do Drupal
7 Instalación de Git
- 7.1 Recuperando un estado anterior

Instalación do Lampp

É a versión Linux dun paquete denominado XAMPP.

Unha vez instalado teremos de vez: Servidor Web Apache, servidor de base de datos Mysql, PHP e Perl.

Recomendo instalar separadamente ditos programas xa que pode dar problemas coas versións do PHP.

Para instalalo teremos que:

Descargar a versión que nos interese dende este enlace.
Descomprimir o arquivo baixado coa orde: sudo tar xvfz xampp-linux-1.8.0.tar.gz -C /opt.

Unha vez descargado podemos iniciar Lampp (inicia o servidor web e o mysql) coa orde: sudo /opt/lampp/lampp start.

Se queremos ver o estado dos servidores podemos executar a orde: sudo /opt/lampp/manager-linux-x64.run &.

Aparecerá a seguinte pantalla onde debemos ter iniciados os servizos de Apache e Mysql.

Instalación do Apache

Nota: Máis información neste enlace.

Nunha consola de comandos executaremos:

1 sudo apt-get update
2 sudo apt-get install apache2

Unha vez instalado aparecerá a seguinte pantalla se no navegador de Internet escribimos na URL: http://localhost.

Por defecto apache vai buscar as páxinas que se atopan no cartafol: /var/www/html.

Instalación e configuración do Mysql

Instalación

Executaremos as seguintes ordes nun terminal:

1 sudo apt-get install mysql-server libapache2-mod-auth-mysql php5-mysql

Aparecerá unha pantalla onde se nos solicita o password que terá o usuario 'root'. Lembrade escoller un password complexo.

Agora debemos activar o mysql coa orde:

1 sudo mysql_install_db

Executaremos un script de setup coa orde;

1 sudo /usr/bin/mysql_secure_installation

Preguntará:

Pola contrasinal do usuario root (introducida anteriormente): A escribiremos.

Change the root password? [Y/n]: Se queremos cambiar o password de root: premeremos 'no'.

Remove anonymous users? [Y/n]: Se queremos eliminar o acceso anónimo ao Mysql: Contestaremos que si (y).

Disallow root login remotely?: Contestar y.

Reload privilege tables now? [Y/n]: Contestar y.

Instalación do frontend MysqlWorkBech

Nota: Máis información neste enlace.

O MysqlWorkBench é unha ferramenta gráfica que vai permitir xestionar o Mysql así como as súas bases de datos.

Para instalalo escribiremos a seguinte orden dende un terminal: sudo apt-get install mysql-workbench

Ao facelo teremos un novo programa como amosa a seguinte imaxe (tamén podemos invocalo dende o terminal escribindo: sudo mysql-workbench):

Para poder utilizalo teremos que crear unha conexión ao servidor Mysql instalado previamente. Para iso seguiremos os seguintes pasos:

Utilizando o MySqlWorkBench
Prememos o botón '+' para crear unha nova conexión.
Dámoslle un nome á nova conexión.
Prememos dúas veces sobre a nova conexión creada.
Pedirá a contrasinal do usuario root.
Podemos ir á pantalla inicial premendo na casa ou permanecer na conexión creada. Dende aquí imos poder crear novas bases de datos (schemas) e usuarios.

Configuración

Cando instalemos o Drupal, este vai facer uso dunha base de datos. Imos crear dita base de datos e un usuario que teña permisos sobre dita base de datos.

Con XAMPP => MysqlQueryBrowser

Creando unha base de datos e un usuario para drupal
Usando xampp: Abrimos un navegador e escribimos na url: http://localhost e seleccionamos o elemento de menú phpMyAdmin.
Escollemos a opción 'Base de datos'.
Introducimos o nome da BD e o 'cotejamiento'. Isto ven ser a xogo de caracteres (tipo de codificación) que vai a usar mysql con dita base de datos.
Unha vez creada a BD escollemos a opción de Privilegios e Agregar cuenta de usuario.
Introducimos o nome do usuario, password (anotala xa que a imos necesitar) e por defecto xa terá os privilexios para poder modificar a base de datos creada.
Prememos o botón Continue de abaixo de todo.
Teremos unha confirmación de que o usuario foi creado correctamente.

Con MysqlWorkBench

Faremos os seguintes pasos para crear unha base de datos en Mysql e un usuario con acceso a mesma.
Isto o necesitará Drupal para poder funcionar. Deixado por tanto anotados o nome de usuario, password e noma da base de datos (schema).

Creando unha base de datos e un usuario en Mysql
Prememos o botón 'Add new Schema'.
Introducimos o nome da BD e o 'cotejamiento'. Isto ven ser a xogo de caracteres (tipo de codificación) que vai a usar mysql con dita base de datos. Prememos o botón Apply.
Se nos presenta a orde SQL que vai crear a base de datos. Prememos o botón Apply.
Prememos o botón Close.
Pechamos a ventá de creación da base de datos (premendo na x) e podemos observar como xa está creada a base de datos 'bd_drupal'. Agora imos crear a un usuario para que teña control total. Premer sobre a opción Users and privileges.
Prememos o botón Add Count.
Escribimos o nome de usuario (root_drupal no exemplo), o campo 'Limit host....' escribimos localhost e o password. Despois prememos a lapela Schema Privileges.
Prememos o botón 'Add Entry'.
Escollemos a base de datos 'bd_drupal'.
Prememos o botón 'Select All' e despois o botón Apply.
Unha vez creado xa podemos pechar a ventá de creación de usuarios.

Instalación do PHP

Drupal require o PHP 5.5.9 como vimos nos requirimentos mínimos.

Para instalar o PHP escribiremos o seguinte nunha consola:

1 sudo apt-get install php5 libapache2-mod-php5 php5-mcrypt

Actualizaremos o arquivo dir.conf e engadiremos index.php ao principio:

sudo nano /etc/apache2/mods-enabled/dir.conf

1 <IfModule mod_dir.c>
2         DirectoryIndex index.php index.html index.cgi index.pl index.php index.xhtml index.htm
3 </IfModule>

Para comprobar se está ben instalado podemos crear un arquivo: /var/www/html/index.php

1 <?php
2 phpInfo();
3 ?>

E cargar a páxina dende o navegador escribindo na URL: http://localhost/index.php.

Obteremos o seguinte:

Módulos en PHP

Php ten a posibilidade de instalar 'módulos' para ampliar as súas funcionalidades.
Para obter a lista de módulos: sudo apt-cache search php5-
Para instalar un dos módulos da lista: sudo apt-get install nome_do_modulo

No noso caso é necesario instalar o módulo php5-gd. Escribiremos o seguinte código:

1 sudo apt-get install php5-gd
2 sudo service apache2 restart

Instalación do Drupal

Pasos previos

Primeiro debemos descargar a versión do drupal que queiramos.

Accedemos a https://www.drupal.org/project/drupal e escollemos a versión a descargar.

Graficamente, escollemos a versión dende o navegador e a descargamos.
Dende consola coa orden: wget https://ftp.drupal.org/files/projects/drupal-8.1.8.tar.gz

Unha vez descargada a descomprimimos:

Graficamente, premendo dúas veces e descomprimíndoa.
Dende consola coa orde: tar -zxvf drupal-8.1.8.tar.gz

Onde se move o cartafol descomprimido do drupal.

Se estamos a utilizar xampp deberemos movelo ao cartafol /opt/lampp/htdocs/
Se estamos a utilizar un servidor web (como apache) deberemos movelo ao cartafol onde cargue os sitios web. No noso caso será: /var/www/html/.

Notas::

Cando se descomprime, normalmente teremos o nome 'drupal-8.1.8'. Podemos cambiarlle o nome a ese cartafol por 'drupal' pois despois o usaremos na URL do navegador.
O máis lóxico é que se implantades unha solución 'real' de Drupal teredes un dominio contratado. O recomendable é que o dominio apunte directamente a Drupal sen ter cartafoles polo medio.

Así, o dominio http://www.meudominio.es debería apuntar a /var/www/html/drupal

Existen formas (as empresas de aloxamento o permiten) de facer que un subdominio apunte a outro cartafol, así poderíamos ter:

http://www.meudominio.es => /var/www/html/WEB

http://www.meudominio.es/tenda => /var/www/html/DRUPAL (neste caso poderíamos ter unha tenda virtual configurada con Drupal).

Neste curso imos facelo sobre un cartafol dentro do sitio web, de forma que, se tivésemos un dominio:

http://www.meudomonio.es => /var/www/html

http://www.meudomonio.es/drupal => /var/www/html/drupal (cartafol dentro do dominio).

Esta opción non é recomendable.

Copia do arquivo de configuración.

Drupal necesita un arquivo de configuración de nome settings.php que se atopa no cartafol do drupal/sites/default (en xampp sería /opt/lampp/htdocs/drupal/sites/default e en apache /var/www/html/drupal/sites/default).
Deberemos copiar o arquivo default.settings.php que se atopa nese cartafol e copialo có nome settings.php.
Deberemos cambiar os permisos do arquivo settings.php para que poida ser modificado. En Linux, poñeremos: chmod 777 settings.php

Nota: Este arquivo é moi importante xa que nel se garda non só parámetros de configuración do propio Drupal, se non o usuario, password e nome da base de datos Mysql. Cando se remate a instalación se indicará a necesidade de cambiar os permisos para que ninguén poida obter información do arquivo.

Arquivos do idioma español.

Durante a instalación podemos facer a instalación no idioma español. Será necesario ter creados uns cartafoles que por defecto non veñen.

Crear o cartafol /cartafol_drupal/sites/default/files e darlle permisos de escritura chmod 2740 /cartafol_drupal/sites/default/files (có 2 facemos que os novos arquivos terán os permisos indicados).
Crear o cartafol /cartafol_drupal/sites/default/files/translations.

Cambiando os permisos.

Se o fixemos graficamente, o dono dos arquivos será o teu usuario, e se o fixeches dende consola será root (se usaches a orde sudo).
Imos cambiar o dono para que sexa o usuario que utiliza o apache para conectarse. Este é www-data (noutras distribucións teriades que identificar con que usuario se conecta) .
Dende unha consola e con permisos sudo, executamos a orde: chown -R www-data:www-data /drupal sendo 'drupal' o cartafol onde se atopa drupal.

Para saber o nome do usuario do servidor web Apache podemos escribir o seguinte nun terminal:

1 ps aux  |grep apache # para Apache 2.x
2 ps aux  |grep httpd # para Apache 1.x

Como salida teremos algo parecido a isto:

Activación do opcache.

Extensión de PHP para mellorar o tempo de xeración das páxinas php.

En Lampp: Temos que editar o arquivo php.ini (se atopa en /opt/lampp/etc/php.ini) e engadir (ou descomentar a liña no caso de XAMPP): zend_extension=opcache.so.
En apache: Debemos editar o arquivo /etc/php5/apache2/php.ini e cambiar o seguinte código;

1 ::[opcache]
2 ; Determines if Zend OPCache is enabled
3 ;opcache.enable=0

Por

1 ::[opcache]
2 ; Determines if Zend OPCache is enabled
3 opcache.enable=1

Despois deberemos reiniciar o servidor apache para que colla a nova configuración coa orde: sudo service apache2 restart

Activación do módulo mod_rewrite cunha instalación Apache (non Lampp).

Nota: Máis información neste enlace.

Dito módulo serve para converter url en Drupal (ou noutros programas) do tipo "http://www.example.com/?q=node/83" a "http://www.example.com/node/83" permitindo ter URL máis amigables de ler e facendo que os buscadores poidan indexar ditas páxinas.

Para activalo deberemos escribir o seguinte (se estamos nun servidor compartido seguramente o módulo xa estará activo):

1 sudo a2enmod rewrite
2 sudo service apache2 restart

Agora debemos indicar ao servidor Web que substitúa as URL por un formato máis amigable.

No servidor Web deberá estar indicada a directiva que indica que se utilice o que estea posto no arquivo .htaccess do Drupal. No noso caso o indicaremos coas seguintes liñas (non servidor compartido xa estaría feito):

* Editamos o arquivo /etc/apache2/sites-available/000-default.conf

Escribimos o seguinte código:

1 .... 2 </VirtualHost> 3 4 <Directory /var/www/html> 5 Options Indexes FollowSymLinks 6 AllowOverride All 7 </Directory>

Instalación

Instalación de Drupal dende o navegador
Escribimos na url do navegador a seguinte dirección: http://localhost/drupal sendo drupal o nome do cartafol que eliximos cando o movimos ao cartafol htdocs.
Empeza un asistente de instalación. Escolleremos o idioma Español.
Eliximos o perfil Standard.
No seguinte paso introduciremos os datos da base de datos mysql (nome da base de datos, usuario e password) usados anteriormente. Fixarse que as 'Opcións avanzadas' están despregadas para que vexades a opción 'Prefijo del nombre de la tabla'. Esta opción se usuaria se ides utilizar unha base de datos Mysql xa existente e tedes táboas de outras aplicacións nese base de datos. Entón poñeríamos un prefixo (por exemplo drupal) e todas as táboas de drupal tería de nome drupal_nome. Desta forma poderiades distinguir cales son de drupal e cales das outras aplicacións...
Empeza a instalación do sitio.
Unha vez rematado se nos pide o nome do sitio, unha dirección de correo que será utilizada polo drupal (debería ser unha dirección do nome do dominio onde se estea a instalar o drupal), un usuario e password que vai ser o administrador do drupal
Dirección de correo electrónico do administrador, país e zona horaria. Podemos deixar marcados os check´s que van permitir recibir notificacións de actualizacións.
Unha vez instalado teremos que cambiar os permisos do arquivo settings.php: chmod 440 settings.php. Lembrar que dito arquivo se atopa no cartafol cartafol do drupal/sites/default (en xampp sería /opt/lampp/htdocs/drupal/sites/default).
Poñendo na Url do navegador: http://localhost/drupal xa podemos acceder ao sitio web do drupal.

Comprobacións trala instalación

NOTA: Esta sección está asociada á realización do EXERCICIO 1.

Unha vez entramos no drupal có usuario administrador (creado durante a instalación).

Comprobacións de que todo estea correcto
Prememos na opción de Menú Administrar => Informes.
Escollemos a entrada de Informes de Estado.
Vemos como na imaxe nos informa que temos un problema de seguridade e un enlace onde nos explica como arranxalo.

Para solucionalo deberemos editar o arquivo de configuración de drupal (que se atopa no cartafol do drupal/sites/default (en xampp sería /opt/lampp/htdocs/drupal/sites/default).

Unha vez editado ao final do arquivo poñeremos as seguintes liñas:

1 $settings['trusted_host_patterns'] = array(
2   '^www\.example\.com$',
3 );

Onde deberemos substituír www.example.com polo noso dominio. Respetada os caracteres '\' entre cada parte do dominio e o '$' no que acaba.

No caso de estar a desenvolver localmente podemos substituír o dominio pola cadea localhost: '^localhost$',

Unha vez cambiado podemos ir outra vez a o Informe de Estado e comprobar como xa non temos ningún indicador de perigo.

Modificando a directiva RewriteBase

O servidor web Apache 'apunta' a un determinado cartafol do disco duro. Así, por defecto, cando escribimos na URL do navegador 'http://meusitio.es' estaremos 'apuntando' a '/var/www/' (antes de Ubuntu 14.04) ou '/var/www/html/' (Ubuntu 14.04 e posteriores).
Se instalamos Drupal dentro do cartafol /var/www/html/drupal deberemos modificar o arquivo /drupal/.htaccess e descomentar a seguinte liña:RewriteBase /drupal (quitar #), sendo '/drupal' o cartafol onde estamos instalando Drupal.
Se usamos un alias de Apache da forma: 'http://meusitio.es/alias' deberemos facer o indicado anteriormente: RewriteBase /alias
Se levamos o drupal ao raíz do sitio web, entón podemos poñer: RewriteBase /

No noso caso:

Modificamos agora o arquivo /var/www/html/drupal/.htaccess e descomentamos a liña indicada:

1 # Modify the RewriteBase if you are using Drupal in a subdirectory or in a 2 # VirtualDocumentRoot and the rewrite rules are not working properly. 3 # For example if your site is at http://example.com/drupal uncomment and 4 # modify the following line: 5 RewriteBase /drupal

Sendo /drupal o cartafol onde está instalado Drupal no servidor web (/var/www/html/).

Reiniciamos o servidor Apache: sudo service apache2 restart

Configuración de permisos nos cartafoles de Drupal

NOTA: Esta sección está asociada á realización dun EXERCICIO.

Máis información neste enlace.
Información dos diferentes permisos que se poden otorgar en Linux neste enlace.
Grupo de Drupal sobre seguridade neste enlace.

Se non temos asinados uns permisos adecuados a nivel de cartafol e de arquivos, podemos ter múltiples buratos de seguridade no noso sitio.

Como vimos anteriormente, o arquivo '/sites/default/settings.php' debería ter o permiso 444=>rrr (podería ter 440=>r-- se sabemos que o servidor web (no noso caso apache nun Linux con Ubuntu) usa como usuario (no noso caso www-data) un que é propietario do arquivo installation.php).

O resto de cartafoles e arquivos debería ter permisos de lectura pero non de escritura.

Como norma xeral, poderíamos dicir que os cartafoles debería ter permisos 755 e os arquivos permisos 644, quitando as excepcións do cartafol /drupal/sites/default/files e o arquivo de configuración /drupal/sites/default/installation.php.

find /drupal/ ! -type d -exec chmod 644 {} \;
find /drupal/ -type d -exec chmod 755 {} \;

Nota: Estes permisos xa deberían estar postos por defecto. Se os aplicades teredes que cambiar os permisos nas excepcións comentadas anteriormente.

Para non ter que facer a comprobación manualmente podemos facer uso dun módulo que verifique que os permisos sexan os correctos. A continuación amosamos dous módulos de exemplo.

Módulo: https://www.drupal.org/project/file_permissions
Módulo: https://www.drupal.org/project/security_review

Un posible script para cambiar os permisos de Drupal para que sexa totalmente seguro (isto o faríamos unha vez teñamos o Drupal funcionando e sen necesidade de cambiar nin instalar nada máis):

1 cd /RUTA_INSTALACION_DRUPAL/ -------------------(A CAMBIAR)------------------------
2 chown -R www-data:www-data *
3 find . ! -type d -exec chmod 444 {} \;
4 find . -type d -exec chmod 555 {} \;
5 
6 
7 chmod -R 2740 sites/default/files
8 chmod 440 sites/default/settings.php
9 find . -name .htaccess -exec chmod 444 {} \;

Se imos a estar traballando e instalando novas funcionalidades poderíamos aplicar este script:

1 cd /RUTA_INSTALACION_DRUPAL/ -------------------(A CAMBIAR)------------------------
2 chown -R www-data:www-data *
3 find . ! -type d -exec chmod 644 {} \;
4 find . -type d -exec chmod 755 {} \;
5 
6 
7 chmod -R 2740 sites/default/files
8 chmod 440 sites/default/settings.php
9 find . -name .htaccess -exec chmod 444 {} \;

Instalación de Git

Git é un software de control de versións.

Podedes descargar o software para as diferentes plataformas neste enlace.

Permite ter diferentes versións de proxectos sobre os que se fan modificacións no seus arquivos

Garda ditos arquivos antes de facer as modificacións permitindo 'volver' ao estado anterior a facer ditas modificacións.

Tamén permite facer traballo colaborativo entre diferentes persoais traballando á vez sobre o mesmo proxecto.

Nos o imos utilizar para gardar versións de Drupal antes de instalar novos módulos ou funcionalidades por se temos que volver a atrás en caso de problemas.

Para instalalo temos que executar a seguinte orde dende unha consola ou terminal:

1 apt-get install git

Unha vez instalado temos que crear un repositorio. Isto ven ser o lugar onde imos gardas as diferentes versións do Drupal.

Para inicialo temos que situarnos no raíz do sitio web de drupal, no noso caso: /var/www/html/drupal e executar a seguinte orde:

1 git init

Obteremos o seguinte resultado:

Creouse un novo cartafol: /var/www/html/drupal/.git

Para o seu funcionamento, git debe ter rexistrado unha conta de correo e un nome de usuario. Podemos ter o mesmo para todos os proxectos ou podemos especificar nomes diferentes.

No noso caso, as ordes son:

1 git config --global user.name "O teu nome"
2 git config --global user.email oteucorreo@prueba.es

Agora debemos engadir os arquivos ao repositorio. Agora mesmo está baleiro, polo que immos engadir todos os arquivo do cartafol drupal (escribide o punto despois do parámetro -A):

1 git add -A .

Agora podemos ver os arquivos 'engadidos' ao repositorio:

1 git status

Fixarse que saen todos os arquivos de Drupal, pero estes arquivos non están CONFIRMADOS. En git, ata que non se confirmen non son 'incluídos' no repositorio.

É importante lembrar que ata non se faga un commit dos arquivos (confirmación) estes non serán gardados realmente e non poderemos ir atrás no estado de Drupal.

Para confirmar os arquivos executaremos a seguinte orde:

1 git commit -m "Drupal acabado de instalar"

Se agora facemos un git status indicará que non hai nada novo que confirmar:

1 git status

Resultado

Recuperando un estado anterior

Crear un novo arquivo dentro do sitio web de Drupal. No exemplo eu vou crear un de nome 'proba.txt'.

Se agora executades a orde git status podedes observar como informa de que hai un arquivo modificado:

Agora imos engadir dito arquivo ao repositorio, como fixemos antes:

Imos ver agora como podemos restaurar o sitio web Drupal a un estado anterior.

1 git add proba.txt

Nota: Podemos engadir todos os arquivos de vez có parámetro -A como fixemos ao principio.

Importante Tedes que facer o add sempre antes de facer o commit, xa que se modificados un arquivo despois de facer o add, se gardará a versión anterior, non a modificada.

Se agora facemos un git status veremos que indica que hai que confirmar un novo arquivo:

Para confirmar o arquivo volveremos a executar a orde commit:

1 git commit -m "Drupal acabado de instalar cun arquivo (proba.txt) novo"

Cambiade o contido do arquivo e volvede a facer un add e un commit.

1 git commit -m "Drupal acabado de instalar cun arquivo (proba.txt) novo e modificado"

Nota: Podedes facer non só paso engadir-confirmar coa orde: git commit -a -m "Drupal acabado de instalar cun arquivo (proba.txt) novo e modificado"

Se agora executamos a orde: git log veremos os commit realizados cun ID que os identifica.

Se engadimos a opción -p á orde git log, amosará as diferenzas entre as versións.

Para 'revertir' o estado a un anterior só temos que anotar o ID do estado ao que queremos volver e executar a orde:

1 git revert id_copiado

Tamén ides poder aloxar repositorios remotos (aloxados en Internet) como en GitHub. Ditos repositorios son públicos (hai que pagar para ter un privado).

Podedes consultar un pequeno manual de como usalo: https://git-scm.com/book/es/v1/Fundamentos-de-Git-Trabajando-con-repositorios-remotos

-- Ángel D. Fernández González -- (2016).

DRUPAL Instalación

Sumario

Instalación do Lampp

Instalación do Apache

Instalación e configuración do Mysql

Instalación

Instalación do frontend MysqlWorkBech

Configuración

Con XAMPP => MysqlQueryBrowser

Con MysqlWorkBench

Instalación do PHP

Módulos en PHP

Instalación do Drupal

Pasos previos

Instalación

Comprobacións trala instalación

Modificando a directiva RewriteBase

Configuración de permisos nos cartafoles de Drupal

Instalación de Git

Recuperando un estado anterior

Menú de navegación

Herramientas personales

Espacios de nombres

Variantes

Vistas

Más

Buscar

Navegación

Herramientas

Imprimir/exportar