LIBGDX Execución dos proxectos

UNIDADE 1: Execución dos proxectos importados.'Ola mundo'

Introdución

Isto viría a ser o clásico 'Ola Mundo' de calquera linguaxe de programación.

O que se vai presentar será unha pantalla de benvida do framework no que aparece un gráfico, nas diferentes plataformas.

Importación

• Unha vez temos os proxectos xerados é necesario importalos có Android Sutdio:

Importación do proxecto

Eleximos a opción de importación de proxectos.

Imos o cartafol onde xeramos o proxecto e escollemos arquivo build.gradle e prememos Ok.

Unha vez feito, escollendo a vista de 'Proyect' de AndroidStudio teremos os seguintes cartafoles.

Como vemos aparece un cartafol por cada tipo de proxecto (HTML, Ios, Android, DESKTOP) e un cartafol para o proxecto COMUN (CORE)

Imaxe obtida de https://github.com/libgdx/libgdx/wiki/Project-Setup-Gradle

Resolvendo erros

• Cando importamos o proxecto có AndroidStudio pode ser que vos dea diferentes erros, como por exemplo o que se amosa na pantalla seguinte:

• Este e outros erros poden deberse a que Gradle, cando atopa dependencias que non ten, conéctase a Internet para descargalas. Pode suceder que teñades o Android Studio configurado para que estea en OFFLINE e non poida descargalas.

• Para arranxalo podedes seguir estes pasos:

Resolvendo erros en Android Studio

Escollemos en File a opción Settings.

Desmarcamos a opción Offline Work e prememos OK.

Escollemos a opción Make Proyect da opción de menú Build.

Se aínda así seguen a dar erros, probade a pechar o proxecto e volvelo a abrir.

Execución dos proxectos

• Podemos ver un vídeo completo de como facelo neste enlace.

• Para poder executar as diferentes versións dos proxectos é necesario ter configurado a variable de entorno ANDROID_HOME para que apunte a onde se atopa o SDK instalado.

WINDOWS:

1 set ANDROID_HOME=C:/Path/To/Your/Android/Sdk

LINUX:

1 export ANDROID_HOME=/Path/To/Your/Android/Sdk

Como alternativa podemos modificar (ou crear se non está creado) o arquivo: local.properties

que se atopa no raíz do proxecto importado e poñer a seguinte liña: sdk.dir=/Path/To/Your/Android/Sdk

Por exemplo, en Windows tería esta valor se estades a seguir o manual:

1 sdk.dir=C\:/SDK

Nota: O carácter '\' e un carácter de escape.

• Imos ver agora como executar os diferentes proxectos.

Graficamente

• É necesario crear unha configuración de execución no IDE Android Studio. Para iso:

• Executando a versión Desktop
• 

  Prememos na frecha da combo onde se executa/depura o proxecto.

• 

  Prememos o botón có símbolo '+' estando na sección Application. Indicamos un nome, escollemos a clase principal do proxecto Desktop (premendo nos puntos suspensivos), cambiamos o cartafol de traballo ao cartafol assets do proxecto Android e escollemos o módulo Desktop.

• 

  Executamos premendo o botón verde coa configuración Desktop escollida.

Dende consola

• Para iso debemos abrir un terminal (en Linux) ou consola (en Windows) e situándonos no cartafol onde se xerou o proxecto.
• Tamén podemos abrir a consola dende o propio Android Studio:

Abrindo unha consola dende Android Studio

Prememos na opción de menú Terminal.

Abrirá unha ventá nova na que podemos escribir como se estivésemos nun terminal.

• Executamos a orde:

WINDOWS:

1 gradlew desktop:run

LINUX:

1 ./gradlew desktop:run

Resultado

---

TAREFA UNIDADE 1, PARTE 2: Esta parte está asociada á realización dunha tarefa.

---

Éxecución HTML

• Para iso debemos abrir un terminal (en Linux) ou consola (en Windows) e situándonos no cartafol onde se xerou o proxecto.
• Tamén podemos abrir a consola dende o propio Android Studio:

Abrindo unha consola dende Android Studio

Prememos na opción de menú Terminal.

Abrirá unha ventá nova na que podemos escribir como se estivésemos nun terminal.

• Executamos a orde:

WINDOWS:

1 gradlew html:superDev

LINUX:

1 ./gradlew html:superDev

• Execución proxecto HTML
• 

  Na parte baixa debe aparecer unha dirección: http://localhost::9876. Abrimos o navegador web e poñemos dita dirección.

• 

  Aparecen dous botóns que debemos arrastrar á barra de marcadores. Imos necesitar premer o botón 'Dev Mode On' cada vez que modifiquemos algo do xogo e queiramos ver o resultado modificado.

• 

  Agora poñemos a dirección: http://localhost:8080/html/. Aparecerá unha páxina indicando que está a cargar o xogo. Se tarda moito premer o botón á esquerda ou o botón 'Dev Mode on' e escoller a opción Compilar.

• 

  Unha vez rematado de ver o resultado en HTML debemos parar o proceso no terminal.

Resultado

Execución nun dispositivo móbil

No Emulador

Como comentamos anteriormente executar os xogos no emulador non pode ser debido a lentitude do mesmo. O ideal é ter un dispositivo móbil 'real' que permita probar os xogos.

De todas formas, para probar que funciona, podemos ver como se visualiza a pantalla de presentación do framework no emulador.

O primeiro será crear un dispositivo virtual (AVD) coa versión Android 4.3 API 18 e CPU Intel Atom (x86) segundo os pasos deste enlace (só fai falla facer os pasos de creación do Android Virtual Device). IMPORTANTE: Lembrade deixar marcada a opción 'Use host GPU' cando creades o AVD para facer uso do OPEN GL.

• Nota: Máis información sobre as versión de Android neste enlace.

• A partires de Marzo do 2014 o framework Libgdx deixa de dar soporte a OPEN GL ES 1.0/1.1 e a versións de Android inferiores á 2.2 (API 8).

• LIBGDX instalacion 50 B.jpg

  Nos situamos sobre o proxecto Android Xogo2D-Android.

• LIBGDX instalacion 41.jpg

  Prememos a icona de executar.

• LIBGDX instalacion 51.jpg

  Escollemos a opción Android Aplication.

• 

  Aparece a pantalla de presentación do framework Libgdx.

Nun dispositivo real

• 

  O primeiro será descargarse os drivers USB necesarios para que o S.O. recoñeza o dispositivo. Se usades Linux isto non é necesario. O proceso de instalación o tedes no mesmo enlace anterior.

• 

  Habilitar a depuración por USB no terminal. Para facer isto, en Aplicaciones > Ajustes > Sistema > Opciones del desarrollador > Depuración USB e no cadro de diálogo escoller Aceptar. Ó finalizar de traballar co móbil convén deshabilitar a opción.

• LIBGDX instalacion 55.jpg

  Cando executamos por primeira vez calquera proxecto en Eclipse, créase unha configuración de execución. Imos editar dita configuración. Prememos sobre a frecha que está ó carón do botón de execución e escollemos a opción de 'Run Configurations'.

• LIBGDX instalacion 56.jpg

  Prememos sobre o proxecto Android na parte esquerda, prememos na lapela Target e escollemos a opción 'Always prompt to pick device'. Desta forma, cando executemos o proxecto de Android preguntará sobre que dispositivo queremos executalo.

• 

  Se executamos o método main do proxecto Android aparecerá a pantalla e poderemos indicar que se execute sobre o dispositivo real.

Nunha máquina virtual con Android

Deberedes de instalar unha máquina virtual en Virtual Box que teña soporte para OPEN GL 2.0.

Unha opción pode ser a de AndroVM

-- Ángel D. Fernández González -- (2015).