Configurando os modos de seguridade WiFi

De MediaWiki
Ir a la navegación Ir a la búsqueda

Tarefa 1. Rede WiFi aberta

Nesta tarefa configuraremos varios APs ou routers e configuraremos a rede como aberta empregando simuladores na web.

Tarefa 1.1. Router Linksys

Nesta tarefa configuraremos o router Linksys WRT54GR empregando un simulador e:

  • deixaremos a WiFi aberta
  • cambiaremos o SSID por defecto
  • cambiarmeos a canle
  • aprenderemos a facer filtrado MAC
  • revisaremos algunhas opcións de configuración

Acceso

Para iso, accedemos ao enlace do fabricante linksys e eliximos o router WRT54G. Vamos a configurar aspectos básicos desde punto de acceso sen fíos e establecer a rede como aberta.

Deshabilitamos DHCP

Aparece a seguinte ventá coa pestana Setup -> Basic Setup seleccionada por defecto. Nesta pantalla configuraremos a IP deste AP e a continuación desactivaremos o DHCP.

deshabilitamos DHCP

Cambiamos SSID e canle

A continuación, na pestana Wireless -> Basic Wireless Settings cambiamos o SSID do router e o canle:

Cambiamos SSID e canle

Deixamos a WiFI aberta

Na opción Wireless Security da lapela Wireless, desactivamos a seguridade, polo que a rede estará aberta.

Deixamos a rede aberta

Filtramos por MAC

E na opción Wireless MAC Filter podemos permitir ou denegar algún equipo indicando a súa MAC:

Podemos filtrar con lista branca ou negra por MAC

Revisamos parámetros de configuración do firewall

Na lapela Security podemos configurar parámetros relacionados co firewall:

Podemos configurar parámetros do firewall

Revisamos configuración VPN

E na opción VPN Passthroough da mesma lapela, podemos habilitar o protocolo a empregar:

Podemos configurar VPN

Configuramos políticas

Na lapela Access Restrictions, podemos establecer diferentes políticas a seguir, nas que se configurará:

  • a conexión a determinadas horas do día (seccións Days e Timing Control)
  • restrición a portos (sección Blocked Serviecs)
  • o bloqueo a determinadas webs (seccións Website Blocked by URL Address e Website Blocked by Keyword)
Podemos configurar políticas

Ademais, se facemos clic en Edit List of PCs poderemos indicar sobre que equipos aplicaremos as políticas establecidas, indicando as súas MACs ou IPs:

center|300px|Filtrado por IP ou MAC

Revisamos configuración de redirección de portos e DMZ

Na lapela Aplications & Gaming podemos redireccionar portos ou configurar unha DMZ:

Port Forwarding, DMZ, UPnP

Cambiamos contrasinal de acceso ó router

Na pestana Administration cambiaremos o contrasinal de acceso ao router. É importante realizar este cambio periódicamente.

Port Forwarding, DMZ, UPnP

Revisamos a configuración

Por último, a lapela Status mostra o estado do router na que aparece a configuración que acabamos de facer. En cada unha das catro lapelas atopamos a información correspondente:

  • Router
  • Local Network
  • Wireless
  • Traffic Statistics

Na lapela Router indícase a versión do Firmware: cómpre recordar que é aconsellable a actualización a última versión por cuestións tanto de rendemento como de seguridade.

Tarefa 1.2. Outros routers

Neste caso realizarás os mesmos pasos que no exercicio anterior pero empregando outro router diferente.

Podes acceder a calquera das seguintes webs e examinar algún dos simuladores dispoñibles:

Debes documentar todos os pasos seguidos

Tarefa 2. Seguridade WEP

Nesta tarefa configuraremos seguridade WEP na rede Wifi.

Tarefa 2.1. Router Linksys

Seguiremos co simulador do router Linksys WRT54GR empregado na tarefa anterior. Para iso, accedemos novamento o simulador do router WRT54G

Seleccionamos a pestana Wireless->Wireless Security e eliximos:

  • Security mode: WEP
  • Encryption: 128 bits
  • Key n: contrasinal que queremos empregar (debe ser forte)
  • TX Key: indicaremos o número do contrasinal que queremos empregar: se escribes unha en Key 1, debes indicar o valor 1.
A

O contrasinal que configures aquí será o que ten que empregar o cliente WiFi para conectarse a rede sen fíos.

Tarefa 2.2. Outros routers

Neste caso realizarás os mesmos pasos que no exercicio anterior pero empregando outro router diferente.

Podes acceder a calquera das seguintes webs e examinar algún dos simuladores dispoñibles:

Debes documentar todos os pasos seguidos.

Tarefa 3. Comprobación da seguridade WEP

Nesta tarefa veremos o sinxelo que é descubrir o contrasinal dunha rede sen fíos con seguridade WEP.

Tarefa 4. Seguridade WPA2-Personal

Nesta tarefa configuraremos seguridade WPA2-Personal na rede Wifi.

Tarefa 4.1. Router Linksys

Seguiremos co simulador do router Linksys WRT54G

Seleccionamos a pestana Wireless->Wireless Security e eliximos:

  • Security mode: PSK-2 Mixed, de maneira que os algoritmos de encriptación serán TKIP ou AES.
  • Passphrase: contrasinal que queremos empregar (debe ser forte)

IMAGEN

O contrasinal que configures aquí será o que ten que empregar o cliente WiFi para conectarse a rede sen fíos.

Tarefa 4.2. Outros routers

Neste caso realizarás os mesmos pasos que no exercicio anterior pero empregando outro router diferente.

Podes acceder a calquera das seguintes webs e examinar algún dos simuladores dispoñibles:

Debes documentar todos os pasos seguidos

Tarefa 5. Seguridade WPA2-Enterprise

Nesta tarefa imos a incrementar a seguridade instalando un servidor RADIUS na nosa rede e configurando seguridade WPA empresarial tanto nos sistemas Windows coma Linux.

Temos que realizar 3 tarefas:

  • Instalar un servidor RADIUS.
  • Configurar o router ou AP para indicarlle que utilice WPA2-enterprise
  • Configurar un cliente Windows e outro Linux para que poidan empregar a rede WiFi.

A configuración será a seguinte:

IMAGEN

Tarefa 5.1. Instalación do servidor RADIUS

Instalamos o servidor RADIUS nun equipo conectado directamente ao noso router sen fíos.

Neste caso instalaremos o servidor Radius gratuíto Freeradius co comando: 

sudo apt-get install freeradius

IMAGEN

Unha vez instalado, temos que configurar varios ficheiros para indicarlle:

  • Os clientes que se conectarán ao servidor RADIUS, xa que so atenderá as peticións dos que configuremos
  • Os usuarios que vai a autenticar.
  • E o tipo de autenticación. Neste caso, PEAP, pois os contrasinais empregarémolos en texto plano.

Configuramos o noso AP no arquivo /etc/freeradius/clients.conf. Indicámoslle que o noso AP 192.168.0.1 empregará o contrasinal “probando”.

IMAGEN

Configuramos os usuarios que se conectarán a rede wifi no arquivo /etc/freeradius/users. Indicámoslle o nome de usuario e o contrasinal que empregará:

IMAGEN

Configuramos o tipo de autenticación no arquivo /etc/freeradius/eap.conf. Indicámoslle que usaremos peap en vez de md5(comentamos esta liña):

IMAGEN

A continuación xa podemos arrancar o servidor para ver as peticións que recibe: 

sudo freeradius –X :

IMAGEN

O servidor está preparado para recibir peticións de conexión.

Tarefa 5.2. Configuración do AP

Configuramos o noso router para indicarlle que empregaremos seguridade WPA2-enterprise.

Antes de nada, comprobamos cal é a IP do servidor RADIUS, xa que teremos que indicarlla ao router

IMAGEN

Podemos comprobar que está na IP 192.168.0.111. A continuación procedemos a configurar o AP. Neste caso empregaremos un router Concep-tronic. Investigamos as súas opcións e vemos que temos que acceder a Wireless->Security. As opcións a configurar son:

  • Security mode: WPA2 enterprise
  • WPA algorithms: TKIP&AES
  • Radius IP Address: 192.168.0.111 (a IP do noso Radius)
  • Radius Port: 1812 (porto por defecto do RADIUS)
  • Shared key: probando (é a que configuramos en clients.conf)

IMAGEN

Facemos clic en “Apply” e xa temos configurado o AP.

Tarefa 5.3. Configuración do cliente Wi-fi

Configuraremos un cliente nunha máquina Ubuntu 20.04 que será o usuario “usuario-1”, e outro cliente nunha máquina Windows 10 que será o usuario “usuario-2”

Tarefa 5.3.1 Ubuntu 20.04

Para configurar o noso cliente wifi, accedemos á configuración da conexión wifi WLAN_50 (Herramientas del sistema->Preferencias->Conexiones de red), na que configuraremos os parámetros do mesmo xeito que no servidor e no router:

  • Seguridade: WPA2 enterprise
  • Autenticación: PEAP
  • Non eliximos certificado CA
  • Autenticación interna: MSCHAPv2
  • Nome de usuario: usuario-1 (ten que coincidir con algún dos configurados no arquivo users)
  • Contrasinal: usu-1 (ten que coincidir coa indicada para o usuario-1 no arquivo users)

IMAGEN

Como non indicamos certificado CA, mostra a seguinte ventá:

IMAGEN

Pulsamos “ignorar” e xa estamos conectados a wifi WLAN_50.

Se quixéramos empregar un certificado para validar a conexión co RADIUS, teríamos que instalar neste cliente o certificado do servidor que está no arquivo /etc/freeradius/certs do equipo do RADIUS.

Tarefa 5.3.2 Windows 10

Do mesmo xeito que no caso anterior, accedemos á configuración da conexión wifi WLAN_50 (Panel de control->Redes e Internet-> Administrar redes inalámbricas), na que configuraremos os mesmos parámetros que no caso anterior:

IMAGEN

Na pestana Seguridade indicamos:

  • Tipo de Seguridade: WPA2 enterprise
  • Tipo de cifrado: AES
  • Autenticación de red: PEAP

IMAGEN

Facemos clic en “Configuración”, e na seguinte ventá:

  • Non marcamos Validar un certificado de servidor
  • Método Autenticación: EAP-MSCHAPv2

IMAGEN

Temos que configurar o método de autenticación. Para iso facemos clic en “Configurar”, e aparecerá a seguinte ventá na que desmarcaremos a opción de que empregue as mesmas credenciais que para o inicio de sesión de Windows:

IMAGEN

Facemos clic en “Aceptar” e voltaremos a ventá principal:

IMAGEN

Faremos clic en “Configuración Avanzada”, e aparecerá a seguinte ventá na que especifica-remos o modo de autenticación “Autenticación de usuarios”:

IMAGEN

Facemos clic en “Guardar credenciales” para indicarlle cal será o usuario e o contrasinal que utilizamos:

  • Nome de usuario: usuario-2 (ten que coincidir con algún dos configurados no arquivo users)
  • Contrasinal: usu-2 (ten que coincidir coa indicada para o usuario-2 no arquivo users)

IMAGEN

Aceptamos todas as ventás, e podemos comprobar a configuración da nosa conexión.

IMAGEN

Autoavaliación das tarefas

Food complements
Indicadores Si Non Observacións
Configurou a rede WiFi como aberta empregando o router Linksys
Configurou a rede WiFi como aberta empregando outro router diferente
Incorporou seguridade WEP a rede WiFi empregando o router Linksys
Incorporou seguridade WEP a rede WiFi empregando outro router
Conseguiu descubrir o contrasinal de acceso a rede WiFi con seguridade WEP
Incorporou seguridade WPA2-Personal a rede WiFi empregando o router Linksys
Incorporou seguridade WPA2-Personal a rede WiFi empregando outro router
Instalou o servidor RADIUS
Configurou o AP con seguridade WPA2-Enterprise
Configurou o cliente Ubuntu para acceso a rede WiFi con seguridade WPA2-Enterprise
Configurou o cliente Windows para acceso a rede WiFi con seguridade WPA2-Enterprise

Referencias

Obtenido de «https://wiki.cifprodolfoucha.es/index.php?title=Configurando_os_modos_de_seguridade_WiFi&oldid=12722»