ODS15. Vida de ecosistemas terrestres
Do mesmo xeito que os ecosistemas mariños están gravemente prexudicados, a degradación da terra, a seca, a perda de terras cultivables e a desertificación intensifícanse ano tras ano, propiciando a extinción de multitude de especies e empobrecendo a diversas comunidades e zonas do planeta.
En que consiste?
A aposta por un planeta máis sostible, onde a vida terrestre non se vexa ameazada, non é só tarefa das políticas públicas, senón que as organizacións empresariais deben apostar por accións concretas que reduzan significativamente as consecuencias prexudiciais que estamos sufrindo polo cambio climático.
A posta en marcha das accións presentes nas metas e submetas do ODS 15 é necesaria polas seguintes razóns:
- Conexión con outros ODS: Estamos conectados, en todos os sentidos, tanto social como economicamente, á terra: usámola para cultivar, construír, desenvolvernos como sociedade, etc. Sen unha terra de calidade e o seu efecto sobre o resto dos ODS, non só se dificulta o crecemento económico, senón que a sustentabilidade non é posible.
- Factor produtivo de moitas empresas: Contar cun ecosistema terrestre óptimo vai permitir o crecemento sostible de empresas que utilizan a terra como factor produtivo.
Exemplo. As industrias cafeteiras precisan unha terra de calidade para que as súas producións sexan eficientes, o que repercute nas comunidades onde desenvolven as súas funcións produtivas e contribúe decisivamente ao crecemento económico destas zonas.
= Como se pode actuar? =
- Abastecemento sostible: O uso dun etiquetado ou selos de produción sostible que certifiquen que as materias primas ou calquera tipo de subministracións proveñen de fontes sostibles ou de circuítos de comercio xusto.
- Fomento da reciclaxe: O desenvolvemento de prácticas de reciclaxe adecuadas é unha forma de reducir os vertidos e a contaminación terrestre, e amosa un compromiso co medio ambiente.
O maior compromiso co ODS 15 recóllese no Acordo de París COP21. As empresas e profesionais poden tomar algunhas medidas para cumprir coas súas metas.
No cine
- Mia y el león blanco
- Dersu Uzala
