Configurar un Proxy Inverso con Nginx
Enunciado
Contamos na nosa rede local con varios servizos web aos que se pode acceder mediante o protocolo HTTP, entre os que se atopa o seguinte:
| Servizo | IP | Porto de escoita do servizo |
|---|---|---|
| www.ies.gal | 192.168.0.33 | 8080 |
Deséxase instalar e configurar un proxy inverso con Nginx nun servidor con dirección IP 192.168.0.33/24. Este proxy inverso proporcionará seguridade aos nosos servizos ao permitir acceder a estes mediante o protocolo HTTPS.
O servidor DNS empregado na rede resolve os nomes de todos os servizos web coa dirección IP 192.168.0.33/24, servidor onde está instalado o proxy inverso.
Para poñer en funcionamento o protocolo HTTPS, contamos ademais cos seguintes ficheiros no servidor:
- O certificado SSL: /etc/nginx/cert.crt
- A chave privada do certificado SSL: /etc/nginx/cert.key
Engada ao ficheiro /etc/nginx/conf.d/default.conf as liñas necesarias para configurar o proxy inverso para o servizo www.ies.gal.
NOTA: Código auxiliar para utilizar na configuración do proxy inverso. proxy_set_header Host $host; proxy_set_header X-Real-IP $remote_addr; proxy_set_header X-Forwarded-For $proxy_add_x_forwarded_for;
