PDM: Android. Obxectivos e escenarios do UNIDADE 1
Ir a la navegación
Ir a la búsqueda
- O obxectivo desta Unidade será:
- Coñecer e instalar o software necesario para poder desenvolver aplicacións Android.
- Saber onde se atopan e que conteñen os principais arquivos de configuración do Android Studio e dun proxecto Android.
- Saber crear e configurar dispositivos virtuais de Android.
- Coñecer e saber usar diversos executables de consola que subministra o SDK como o comando adb.
- Saber manexar as ferramentas que dispoñemos a través do Android Studio para monitorizar as aplicación e ver o consumo de recursos.
- Saber manexar puntos de interrupción e amosar información de depuración na consola.
- Nesta primeira unidade vaise instalar:
O JDK (Java Development Kit) de Oracle. | |
O IDE Android Studio. Na descarga xa ven o SDK de Android, aínda que poderíamos descargalo por separado. | |
O SDK (Software Development Kit) de Android. Este compoñente xa pode descargarse á vez que o Android Studio. |
- Estes compoñentes foron probados, para este curso, nos seguintes SOs:
- Windows: 7 Enterprise, 8.1 Enterprise e 8.1 Enterprise Update. (32bits e 64 bits), Windows 10 (32bits e 64 bits).
- Ubuntu Desktop: 13.04, 13.10, 14.04 (32bits e 64 bits) e 16.04 (32bits e 64 bits).
- OSX: 10.8(Mountain Lion), 10.9.5 (Mavericks).
- O usuario pode escoller a versión que desexe de sistema operativo para o desenvolvemento do curso.
- O material desta unidade está elaborado fundamentalmente sobre Ubuntu Desktop 16.04 64bits, e algúns apartados con Windows 10 de 64 bits.
- Serán indicadas no material aquelas configuracións particulares para calquera dos SOs distintos dos que se usaron para elaborar o material.
- Aínda que o material está elaborado en Ubuntu, na súa maior parte, este é válido para calquera sistema operativo.
- Xestionaranse dispositivos físicos como emulados e accederase a eles:
- Rematarase esta primeira unidade creando o primeiro programa en Android: Ola Mundo.
-- Ángel D. Fernández González e Carlos Carrión Álvarez -- (2015).