Ver el código de «A rúbrica como método de avaliación das tarefas no Moodle»


= Qué son as rúbricas =

As rúbricas son '''métodos avanzados de cualificación das tarefas usados para avaliala en base a uns criterios'''. Isto é, a rúbrica consiste nun '''conxunto de criterios para os que se proporcionan varios niveis descritivos, asignándolles unha cualificación numérica e/ou nominal a cada un deles'''. Deste xeito, a persoa que avalía elixe que nivel contesta/describe mellor o criterio dado. 

== Como cualificar unha rúbrica ==

En principio, cada docente pode realizar a cualificación da súa propia rúbrica como estime máis oportuno. De todas formas, existe un método estandarizado de cualificación de rúbricas que describimos a continuación.

A cualificación global normalizada calcúlase como a suma da nota obtida en cada criterio menos o valor mínimo posible, e todo isto dividido entre a suma do valor máximo posible menos o mínimo posible en cada criterio. 

== Exemplo ==

Analicemos o seguinte exemplo para tratar de entender mellor este concepto:

[[File:exemplo-de-rubrica.PNG|thumb|center|800px|Exemplo de rúbrica]]

Supoñamos que a nosa rúbrica ten:
: 4 criterios (Requisitos, Contidos, Organización, Orixinalidade)
: todos eles con 4 niveis (Excemplar, Conseguido, En proceso, Iniciado)
: cuxas puntuacións van do 1 ao 4.

Neste exemplo, as notas que obtivo a persoa cualificada en cada criterio son 3, 2, 4 e 4 puntos respectivamente. Polo tanto, a cualificación obtida sería:
: Numerador: (3 - 1) + (2 - 1) + (4 - 1) + (4 - 1) = 9
: Denominador: (4 - 1) + (4 - 1) + (4 - 1) + (4 - 1) = 12
: Total: 9/12 = 0,75

Se a nota máxima da tarefa fose de 10 puntos, a persoa do exemplo obtería unha cualificación total de 7,5 puntos.

= O editor de rúbrica =

O '''editor de rúbrica''' está dispoñible como '''método de cualificación para as actividades de tipo Tarefa''', aparecendo a posibilidade de escollela no bloque Cualificación da súa configuración. Polo tanto, o primeiro paso '''para utilizar unha rúbrica será seleccionar Rúbrica como método de avaliación no formulario de creación da propia tarefa'''.

[[File:Configurar_rubrica_moodle.PNG|thumb|center|500px|Configurar rúbrica como método de avaliación para unha tarefa]]

Para acceder ao editor da rúbrica, en primeiro lugar seleccionamos a tarefa que xa está creada e a continuación prememos sobre o menú:
* Administración de tarefas -> Cualificación avanzada. 

[[File:Definir_rubrica_moodle.PNG|thumb|center|200px|Definir a rúbrica que se utilizará]]

O '''editor de rúbricas''' permite configurar o '''nome da rúbrica''', a '''descrición''' e '''a propia rúbrica'''. Este editor '''permite engadir novos criterios e niveis''', '''eliminalos e cambiar a orde''' dos criterios.

Hai varias opcións nas rúbricas que se poden configurar tamén. Para '''cada criterio''', debe '''cumprimentarse a descrición do criterio''' e para '''cada nivel''', debe especificarse a '''definición do mesmo e o número de puntos asociados''' co nivel. A definición da rúbrica debe gardarse empregando o botón de Gardar rúbrica e deixala rematada ou o botón de Gardar como versión preliminar.

[[File:Editor_de_rubrica_moodle.PNG|thumb|center|700px|Editor da rúbrica]]

Cando nunha tarefa escollemos a rúbrica como método de cualificación, temos a '''opción de crear unha nova desde cero ou reutilizar unha xa existente'''. 

Por defecto, '''só co perfil administrador da aula virtual''' se poden '''converter rúbricas en grellas dispoñibles''' en '''todo o sitio''' para '''todo o profesorado'''. Malia isto, non implica que non '''poidamos reutilizar rúbricas creadas previamente co noso perfil'''.