DRUPAL Menús

Aspectos a ter en conta

• Os menús imos poder colocalos en calquera sección (rexións) dun Tema.

• Poderemos asociar a visualización dun menú en función:

• Dun rol determinado (un rol é un grupo de seguridade ao que pode pertencer un usuario, por exemplo ao grupo administradores).
• Do tipo de contido que se estea a visualizar (é dicir, podemos facer un menú se visualice se estamos a ver un artigo, por exemplo)
• Das páxinas que esteamos a visualizar (é dicir, podemos facer que un menú estea visible só para certas páxinas, por exemplo, a páxina principal).

Visión Xeral

• Se entramos na opción de menú Administrar:

• 

  Escollemos a opción Menús.

• 

  Aparecen os menús por defecto.

• Dentro dos menús por defecto temos:

• Administración: É o menú que utilizan os usuarios có rol administrador.
• Herramientas: É o menú no que aparecen enlaces relacionados con módulos previamente instalados. Por exemplo, por defecto aparece activo dentro deste menú o enlace agregar contenido que se amosa cando un usuario ten permiso para agregar novos contidos (por exemplo novos artigos) ao sitio web de Drupal.
• Navegación Principal: É o menú que amosa as seccións principais do sitio.
• Menú usuario (user account menú): É o menú no que se amosa os enlaces de Cerrar sesión e Mi cuenta, aparecen cun usuario cando se identifica.
• Pié de página: Enlaces que aparecen a pé de páxina do sitio web. Por defecto ten activo o de Contacto.

• A xestión dos menús é moi intuitiva. Podemos editalos, cambiar de orden os elementos dos menús ou crear novos menús premendo o botón Añadir menú.

• Se, por exemplo, editamos o menú 'Administración' podemos ver como os elementos do menú se corresponden coas entradas do menú de administración de Drupal...

Creando un menú

• Imos crear un menú de administración cunhas entradas que nos permitan engadir novos contidos de tipo 'ficha xogador' e que poidamos ir á sección de 'baleirar' cache.

• Indicar que as entradas de menú van poder referenciar calquera contido ou páxina de drupal. Soamente teremos que copiar a URL da mesma.

Polo tanto o contido que van referenciar ten que estar creado previamente.

• Creando un novo menú
• 

  Prememos o botón Añadir menú.

• 

  Dámoslle un título e unha descrición.

• 

  Unha vez no menú prememos o botón Añadir enlace.

• 

  Indicamos o texto que vai ter o enlace e a onde vai 'apuntar'. Como indicamos antes, o contido ten que estar creado previamente. Como o que queremos é crear unha nova ficha de xogador, imos a sección de Contidos.

• 

  Prememos o botón Agregar contenido e escollemos o tipo de Ficha Xogador.

• 

  Vemos na URL do navegador o enlace a dito páxina.

• 

  So temos que copiar e pegar a URL relativa ao noso sitio web (/node/add/ficha_xogador). Lembrar o que campo 'peso' é utilizado para indicar a orde de aparición de cada elemento de menú. A menor peso, aparecerá á esquerda nun menú horizontal ou arriba nun menú vertical. Prememos o botón Guardar.

• 

  Agora aparece a entrada no menú. Repetiremos o proceso e engadiremos a entrada para 'Borrar cache' que se atopa no menú 'Configuración' => 'Rendimiento'. A ruta que teremos que copiar no enlace será /admin/config/development/performance.

• 

  Prememos o botón Guardar.

Activando o menú

• Unha vez creado o menú ten que 'colocarse' nalgunha das sección/rexión que conforman o theme actual.

• Isto o faremos seguindo a seguinte unidade.

Creando sub-menús

• Drupal permite que os enlaces dun menú sexan 'fillos' dun enlace superior, creando unha estrutura en forma de árbore.

• Creando un menú con sub-menús
• 

  Creamos un novo menú de nome 'Enlaces'. Dito menú vai ter dous enlaces, de nomes 'Externos' e 'Internos'. Se creamos os enlaces imos ter que asinarlles un contido. Se queremos que ditos enlaces non sexan 'clickeables'...

• 

  Deberemos indicar que o seu enlace é: route:<nolink>. Tamén deberemos marcar a opción Mostrar Expandido para que amose os elementos do sub-menú.

• 

  Agora creamos un novo elemento de menú, pero indicamos que o seu pai vai ser o enlace 'Externos'. Como vemos o enlace vai apuntar a unha URL externa ao sitio web. Creade outro enlace a outra url externa.

• 

  Agora creamos un enlace a unha url interna (un contido interno). Fixarse que o 'pai' vai ser o enlace 'Internos'.

• 

  Neste outro enlace interno estamos a usar un alias do contido publicado.

• 

  Se o fixemos todo teremos unha estrutura de árbore parecida á seguinte. Fixarse que se pode cambiar a orde dos enlaces coa cruz que se atopa ao carón dos enlaces ou se prememos o enlace Mostrar pesos de la fila', polo peso que teñan. Prememos o botón Guardar.

• 

  Podemos observar o resultado. Fixarse que se estes menús os colocades nunha sección do theme no que se atopan os menús, visualmente o theme os tratará doutra forma, podendo ter listas desplegables para os sub-menús (vai depender do theme).

Modificando o aspecto dos menús

Cambiando o theme

• Hai certos themes que permiten ter un 'drowdown menu', é dicir, un menú no que ao pasar por enriba aparece en forma desplegable os submenús.

• Podemos buscar en Drupal aqueles themes que teñan esta opción.

Un deles é o Theme Business].

Podedes ver neste enlace os pasos que hai que facer para que apareza o menú principal en forma de menú desplegable.

Instalando un módulo

• Existen varios módulos pero que aínda non están totalmente desenvolvidos para Drupal 8 (no momento de facer este manual).

• Módulo Nice_Menus.
• Módulo SuperFish.

• Necesita instalar unha librería externa SuperFish library.

Para instalala podemos facer uso do módulo libraries

-- Ángel D. Fernández González -- (2016).