Dixitalización aplicada ao sector produtivo

Introdución

De conformidade co artigo 99 do Real decreto 659/2023, do 18 de xullo, o módulo de Dixitalización aplicada aos sectores produtivos ten como finalidade o desenvolvemento de coñecementos e competencias básicas en dixitalización e as condicións en que esta induce modificacións nos procesos produtivos do sector correspondente.

O módulo de Dixitalización aplicada aos sectores produtivos permítelle ao alumnado adquirir competencias dixitais esenciais para o manexo de ferramentas e tecnoloxías emerxentes, a análise e a xestión de datos, a automatización de procesos e a implementación de solucións dixitais orientadas á mellora continua.