PHP Instalación Apache

Introdución

• Para poder traballar con PHP é necesario dispor de un servidor Web con soporte de PHP.

• Un destes servidores é o Servidor Web Apache, é un servidor Web amplamente coñecido.

• Unha vez instalado Apache teremos que instalar o módulo que nos da soporte para poder cargar páxinas PHP.

• Para instalar Apache podemos optar por:

• Instalar un paquete de software denominado XAMPP (LAMPP para Linux). Dito paquete xa trae consigo o servidor web Apache, o soporte para PHP e un xestor de base de datos Mysql.
• Instalar o servidor web Apache.

Elixiremos unha das dúas opcións...

Nota: Se queremos non temos porque instalar o servidor Web Apache se imos traballar có IDE Netbeans, xa que este utiliza unha característica de PHP para ter un servidor web propio. Necesitaremos instalar PHP.

Instalación do Lampp

• É a versión Linux dun paquete denominado XAMPP.

• Unha vez instalado teremos de vez: Servidor Web Apache, servidor de base de datos Mysql, PHP e Perl.

• Para instalalo teremos que:

1. Descargar a versión que nos interese dende este enlace.
2. Otorgamos permisos de execución ao arquivo .run descargado: sudo chmod +x xampp-linux-x64-8.2.12-0-installer.run
3. Executamos o arquivo: sudo ./xampp-linux-x64-8.2.12-0-installer.run

• Os arquivos quedarán descargados en /opt/lampp

Unha vez descargado podemos iniciar Lampp (inicia o servidor web e o mysql) coa orde: sudo /opt/lampp/lampp start ou parar o servizo coa orde: sudo /opt/lampp/lampp stop

• Se queremos ver o estado dos servidores podemos executar a orde: sudo /opt/lampp/manager-linux-x64.run &.

Aparecerá a seguinte pantalla onde debemos ter iniciados os servizos de Apache e Mysql.

Instalación do Apache

• Nota: Máis información neste enlace.

• Nunha consola de comandos executaremos:

sudo apt-get update
sudo apt-get install apache2

• Unha vez instalado aparecerá a seguinte pantalla se no navegador de Internet escribimos na URL: http://localhost.

• Por defecto apache vai buscar as páxinas que se atopan no cartafol: /var/www/html.

Instalación do PHP

• Debedes cambiar o número de versión polo que vos interese.

Para instalar o PHP podemos facer uso do repositorio Ondřej Surý:

sudo apt update

sudo apt install -y \
    ca-certificates \
    software-properties-common

sudo add-apt-repository -y ppa:ondrej/php

sudo apt update

sudo apt install -y \
    php8.5 \
    libapache2-mod-php8.5

Neste curso impartiremos Laravel, polo que xa podemos instalar os módulos que se necesitan:

sudo apt install \
    php8.5-cli \
    php8.5-mysql \
    php8.5-xml \
    php8.5-mbstring \
    php8.5-curl \
    php8.5-zip \
    php8.5-bcmath \
    php8.5-sqlite3 \
    php8.5-intl

Unha vez instalada temos que habilitar a extensión php e reiniciar o apache:

sudo a2enmod php8.5
sudo systemctl restart apache2

Nota: Se temos algunha version anterior teremos que inhabilitala. Para iso podemos ver que módulos temos instalados con:

1 ls -l /etc/apache2/mods-enabled/php*

E dependendo da saída podemos inhabilitar as versións anteriores (son uns exemplos):

1 sudo a2dismod php8.1
2 sudo a2dismod php8.2

• Actualizaremos o arquivo dir.conf e engadiremos index.php ao principio:

sudo nano /etc/apache2/mods-enabled/dir.conf

1 <IfModule mod_dir.c>
2         DirectoryIndex index.php index.html index.cgi index.pl index.php index.xhtml index.htm
3 </IfModule>

• Reiniciamos o servizo:

1 sudo service apache2 restart

• Para comprobar se está ben instalado podemos crear un arquivo: /var/www/html/index.php

1 <?php
2 phpInfo();
3 ?>

E cargar a páxina dende o navegador escribindo na URL: http://localhost/index.php.

Obteremos o seguinte:

Módulos en PHP

• Php ten a posibilidade de instalar 'módulos' para ampliar as súas funcionalidades.
• Para obter a lista de módulos: sapt-cache search php8.5-
• Para instalar un dos módulos da lista: sudo apt-get install nome_do_modulo

• Por exemplo o módulo php5-gd para manexo de imaxes (redimensionar,...) escribiríamos o seguinte código:

1 sudo apt-get install php8.5-gd
2 sudo systemctl restart apache2

Se queremos ver os módulos cargados:

1 php -m

• Unha vez instalados podemos habilitalos ou deshabilitalos empregando a orde a2enmod ou a2dismod.

No caso de querer empregar Laravel (que vai ser necesario neste curso) necesitamos activar un módulo que xa está descargado por apache.

Dito módulo é o mod_rewrite que permite que url's có formato https://www.mistio.es/productos/1 sexan correctamente interpretados (apache intentaría buscar o cartafol /productos/ dentro do sitio web, pero para Laravel é un dato)

1 sudo a2enmod rewrite
2 sudo systemctl restart apache2

Activación na visualización dos erros en PHP

• Cando esteamos a desenvolver código PHP vai ser moi habitual que as páxinas non amosen o que en principio pretendemos por algún erro no código.

A diferenza das linguaxes de programación de aplicacións de escritorio (tipo Java, VB.NET,...) o navegador non vai informar do erro.

Durante a fase de desenvolvemento pode ser interesante ter activada a directiva que fai amosar os erros atopados no código no navegador.

Para iso hai que modificar o arquivo php.ini

• A localización do arquivo é:

• Se estades a utilizar Apache => /etc/php/8.5/apache2/php.ini
• Se estados a utilizar LAMPP => /etc/php/8.5/cli/php.ini

Dita localización pode variar en función da versión de PHP instalada.

Para saber onde se atopa podedes velo na páxina onde chamastes á función phpinfo() do punto anterior, na liña Loaded confuguration file.

• Unha vez localizado o arquivo teredes que editalo cun editor (e permisos administrativos). O podedes facer coa orde:

1 sudo nano /etc/php/8.5/apache2/php.ini

Debedes buscar a liña: display_errors = Off e cambiala a display_errors = On

• Unha vez feito, reiniciade o servizo:

1 sudo systemctl restart apache2

Nota: Lembrar que esta opción só é aconsellable durante o desenvolvemento da aplicación. Despois deberedes deixalo como estaba.

-- Ángel D. Fernández González -- (2025).