Iniciación ao desenvolvemento web con Vue 3

Obxectivos

O principal obxectivo deste curso é iniciarnos no desenvolvemento web utilizando o framework Vue.js.

• Construír interfaces reactivas con Vue, utilizando composicións con ref, computed e ciclos de vida, principalmente con onMounted e watch.
• Xestionar estado global dunha aplicación con Pinia, creando stores, estados, accións e consumindo datos desde calquera compoñente.
• Navegar entre vistas empregando Vue Router, incluíndo rutas con parámetros e enlaces dinámicos (router-link).
• Crear un backend simple e consumir mediante Axios, realizando operacións CRUD (crear, ler, actualizar e eliminar).
• Deseñar unha aplicación completa de xestión de datos, neste caso, una base de datos de usuarios e tarefas asociadas, integrando front-end, navegación e comunicación con API.
• Aplicar boas prácticas de organización de proxecto en Vue (estrutura de carpetas, separación de responsabilidades e uso de stores).

Ao longo do curso, traballaranse os conceptos clave de Vue.js, entre os que destacamos:

Estrutura dos compoñentes

Comprenderás como é a organización dos compoñentes en Vue.js.

Reactividade

Explorarás o sistema de reactividade de Vue.js, que permite que a túa aplicación se actualice de maneira automática cando cambian os datos.

Enrutamento

Veremos como Vue.js manexa o enrutamento entre as diferentes páxinas da aplicación.

Comunicación entre compoñentes

Aprenderás como os diferentes compoñentes de Vue.js interactúan entre si e como compartir datos entre eles de maneira eficiente.

Operacións CRUD (Crear, Ler, Actualizar, Eliminar)

Finalmente, veremos como xestionar datos na nosa aplicación a través das operacións CRUD, que son fundamentais para calquera aplicación web dinámica.

A duración estimada é de 20 h.

Contidos

• 1. VUE. Conceptos Básicos e preparación do entorno de desenvolvemento
• 2. VUE. Reactividade e Ciclo de Vida dos compoñentes. Directivas
• 3. VUE. Navegación e Comunicación entre Compoñentes
• 4. VUE. CRUD. Persistencia de datos e consumo de API REST en VUE

Referencias

• Introdución ao desenvolvemento de aplicacións web con Vue.js impartido polo profesor Juan Carlos Pérez González baixo licenza Atribución-Non comercial-Compartir igual 4.0 Internacional
• Guide
• Titorial oficial e de w3schools
• Examples
• Exemplos sinxelos 1 e 2
• Vue Playground, WebComponents.dev, codepen.io e codesandbox