Terminator

Intordución

Terminator é unha das ferramentas que emprego a miúdo e ven sendo unha terminal con algunhas características especiais:

• Permite traballar con pestanas.
• Permite traballar con divisións horizontais e verticais (splits).
• Permite definir perfís (profiles) cun tipo, tamaño e cor de letra, cor de fondo, ... Eu emprego os perfís para dúas cousas:
• Ter un perfil para traballar no ordenador e un perfil para proxectar co canón cun tamaño de letra grande para que o alumnado poida seguir as explicacións.
• Ter varios perfís e asocialos a equipos diferentes (p.e. estamos administrando varios servidores por ssh) o que permitiranos distinguilos e reducir as posibilidades de cometer erros, como instalar software onde non é ou aplicar configuracións en equipos equivocados. Os meus alumnos, sobre todo ó comezo do curso, deben crear varios perfís para traballar en 'remoto' nas súas máquinas virtuais por ssh.

Instalación

Para instalalo:

sudo apt-get update 
sudo apt-get install terminator

Uso

Unha vez instalado podemos arrincalo e premendo o botón dereito do rato podemos:

• Dividir a terminal horizontalmente.
• Dividir a terminal verticalmente.
• Abrir pestanas.
• Escoller a opción Preferencias para poder crear perfís

Premendo en Perfiles e despois no botón Añadir podemos definir as características do novo perfil. A modo de exemplo, o meu perfil server ten a letra tamaño 8, cor de fondo branca e de letra azul.

Unha vez creado o perfil podemos activalo premendo no Botón dereito --> Perfiles --> Server.

Na páxina da documentación podes atopar información máis detallada para sacar o máximo partido ó terminator.

Relacionado con

• Tmux
• Byobu

Referencias

• Curso G2501013 Escenarios de seguridade en contornas de alta dispoñibilidade e cloud computing cofinanciado polo Fondo Social Europeo: "O FSE inviste en ti", impartido por D. Manuel González Regal, profesor de informática no IES San Clemente de Santiago de Compostela.