DRUPAL Actualización

Introdución

• Cada certo tempo Drupal lanza actualizacións do seu Core (núcleo principal cos módulos necesarios para ter unha funcionalidade mínima) ou ben actualizacións de Módulos instalados por nos ou Temas.

• Como normas xerais, cando se fai unha actualización de Drupal recoméndase:

• Facer unha copia da Base de Datos Mysql onde está aloxado.
• Poñer o sitio web en Modo Mantemento.

• Para realizar unha actualización deberemos:

• Actualizacións en Drupal
• 

  Escoller a opción de menú Estructura => Actualizaciones Disponibles.

• 

  Neste pantalla se nos informa de que elementos podemos actualizar. No caso de querer actualizalos deberemos descargalos e proceder a súa actualización.

Informes de estado

• Neste apartado se nos informará sobre posibles problemas de seguridade debido a unha mala configuración dos arquivos de configuración de Drupal ou de versións non actualizadas.

Tamén informa da versión do Apache, Base de datos,...

• Informes de estado
• 

  Debemos escoller Menú Administrar => Informes => Enlace Informes de estado.

• 

  Informa da versión do Core instalada. Se houbera outra versión aparecería aquí. Tamén informa dun problema na configuración do Drupal. Isto xa o solucionamos durante a instalación....

Copia de seguridade completa

• NOTA: Esta sección está asociada á realización dun EXERCICIO.

• En calquera momento podemos facer unha copia de seguridade de todo o noso Drupal.

• Pódese facer ou ben usando un módulo previamente instalado (coma backup and migrate) ou ben manualmente. Imos facelo manualmente.

Manualmente

1. Cambiamos Drupal a modo Mantemento.
2. Limpamos a caché. O podemos facer graficamente como está indicado neste enlace, no que se fala como facer para ter atallos. Se indica onde está a opción para limpar a caché.
3. Facemos unha copia física do cartafol Drupal, coa orde cp -rp /drupal /backupDrupal/, sendo /drupal o cartafol onde está instalado e /backupDrupal o cartafol onde queremos copiar o sitio web. A opción -p do comando cp preserva os permisos.
4. Comprimimos o cartafol coa orde: tar czf drupalbackup.tgz /backupDrupal/drupal.
5. Facemos o backup da base de datos Mysql asociada ao Drupal. `Lembrar que podemos facela graficamente utilizando a ferramenta PhpMyAdmin.
   1. É recomendable parar os traballos programado que teñamos no Cron mentres facemos o backup.
   2. Executaremos a orde: mysqldump -u USERNAME -p'PASSWORD' DATABASENAME > /path/to/backup_dir/database-backup.sql

• Sendo:

• Username e Password o usuario utilizado na instalación do Drupal. Lembrar que os datos os temos no arquivo de configuración /drupal/sites/default/installation.php.
• DATABASENAME: Nome da base de datos utilizado na instalación do Drupal. Tamén se atopa no arquivo installation.php

• Nota: Pode suceder que se estades nun aloxamento non dedicado vos dea un erro. Isto o solucionaredes utilizando o parámetro -h nome_do_host: mysqldump -h nome_host -u USERNAME -p'PASSWORD' DATABASENAME > /path/to/backup_dir/database-backup.sql. Sendo o nome do host un parámetro que vos ten que dar o voso provedor de aloxamento.

1. Desactivamos o modo mantemento.

Nota: Se non temos mysqldump instalado podemos instalalo coa orde: apt-get install mysql-client-5.6.

* Se estamos a utilizar XAMPP debemos cambiar o arquivo de configuración /etc/mysql/my.cnf e cambiar as liñas:

pid-file = /var/run/mysqld/mysqld.pid

socket = /var/run/mysqld/mysqld.sock

por (está en varias liñas)

pid-file = /opt/lampp/var/mysql/mysqld.pid

socket = /opt/lampp/var/mysql/mysql.sock

• O proceso para restaurar o sitio web completo debería ser:

1. Descomprimir a copia de seguridade coa orde: tar -xvf archivo.tar
2. Copiar de volta o cartafol có Drupal coa orde: cp -rp /backupDrupal/drupal /cartafol_a_restaurar/ sendo /cartafol_a_restaurar no caso de utilizar xampp é /opt/lampp/httdocs.
3. Restaurar a base de datos coa orde: mysql -u {user} -p {database} < {backup.sql}.

* Isto so serve cando restauramos a base de datos sobre un Mysql que xa a ten creada e cos permisos asinados ao usuario que utiliza drupal na súa configuración para acceder a dita base de datos. Se non teríamos que crear a base de datos, restaurala, crear o usuario e darlle permiso para acceder á base de datos como fixemos durante a instalación.

IMPORTANTE: Se cando restaurades o DRUPAL vos aparece a páxina principal pero despois non podedes acceder a ningunha outra:

• Revisade o arquivo .htaccess do sitio web e comprobar a directiva RewriteBase como xa vimos na instalación. Esta directiva está relacionada coa configuración do servidor Apache (/etc/apache2/sites-available/000-default.conf).
• É importante que se o servidor Web orixinal ten activado o módulo mod_rewrite tamén o teñades no servidor web de destino. Xa vimos como activalo durante o punto da instalación.

Lembrade que se facedes calquera cambio teredes que reiniciar o servizo: sudo service apache2 restart.

Se segue sen funcionar ao mellor teredes que limpar a caché có comando drush e a orde drush cache-rebuild.

• Nota: Tamén podemos facer unha copia da base de datos utilizando o comando Drush.

Utilizando o módulo Backup and Migrate

• Nota: Para saber como instalar un módulo podedes consultar este punto da wiki.

Actualización:

A catro de Abril do 2017 infórmase que xa pode ser utilizado pola versión 8 de Drupal.

• Podemos descargar o módulo backup and migrate dende este enlace.

• Unha vez descargado teremos unha nova entrada na sección de Administrar => Configuración => Sección Desarrollo:

Actualización do Core de Drupal

• NOTA: Esta sección está asociada á realización dun EXERCICIO.

• Actualización Update: Consiste en actualizar a versión de Drupal dende un 8.x a un 8.y. Máis información neste enlace.
• Actualización Upgrade: Consiste en actualizar dende un Drupal 8.x a un 9.y, por exemplo. Máis información neste enlace.

• Imos facer de exemplo, unha actualización á versión 8.2.0-beta2 (no momento de escribir este manual). As versión beta son de proba e en desenvolvemento polo que non deben ser empregadas para un sitio web en produción.

• Actualizacións Core de Drupal
• 

  Descargamos a versión de Drupal que queremos instalar (recoméndase ler as Notas das versións que se atopan no cartafol /core/ co nome Instalation.txt e o arquivo Updates.txt => sección MINOR AND PATCH VERSION UPDATES).

• 

  Cambiamos Drupal a modo Mantemento.

• 

  Agora borramos os cartafoles /drupal/core e /drupal/vendor así como todo o contido do cartafol raíz onde está instalado Drupal. Teremos que gardar o cartafol .git se o temos instalado. Para facer o borrado dos arquivos (estando situados no cartafol de instalación de Drupal): rm -rf core vendor e rm *.* .* Se tivésemos algún cartafol creado por nos con contido deberemos facer unha copia previamente do mesmo. Tamén se fixemos modificacións nos arquivos .htaccess, composer.json ou robots.txt deberemos facer copia.
  Nota: Algunhas actualizacións de Cores implican modificacións no arquivo de instalación settings.php que se atopa en /sites/default (isto ven indicado na información da propia actualización). Nestes casos, deberemos: Facer unha copia do settings.php; copiar o arquivo default.settings.php que ven coa nova versión Core e nomealo co nome settings.php; modificar o novo arquivo settings.php cos datos modificados (normalmente ven ser o nome do usuario, password e nome da base de datos coa que conectamos con Mysql.

• 

  Descomprimimos o novo Core descargado coa orde: tar -zxvf drupal-x.y.z.tar.gz e o copiamos coa orden: cp -Rf drupal-x.y.z/* /path_instalación_drupal e cp drupal-x.y.z/.* /path_instalación_drupal . No noso caso o path sería: tar -zxvf drupal-8.2.0-beta3.tar.gz e cp -Rf drupal-8.2.0-beta3/* drupal-8.2.0-beta3/.* /opt/lampp/htdocs/drupal. Se tiñamos algunha modificación feita nos arquivos .htaccess, composer.json ou robots.txt a restauraremos.

• 

  Se estamos a utizar composer executaremos a orde 'composer update drupal/core --with-dependencies' (non é o noso caso). Nos executaremos o arquivo 'update.php' poñendo na URL do navegador a orde: http://localhost/drupal/update.php. Se tivésemos un dominio teriamos que poñer: http://midominio.es/update.php. Aparecerá un asistente no que se nos informa da necesidade da facer unha copia de seguridade do cartafol /sites/ e da base de datos Mysql.

• 

  Se nos informa dos cambios que van a producirse. Prememos o botón Actualización Pendentes de Aplicar.

• 

  Empeza o proceso de actualización.

• 

  Actualización rematada.

• 

  Se agora imos a opción de Informes => Actualizacións dispoñible podemos comprobar como temos actualizado o Core. Lembrar desactivar o modo mantemento.

• Nota: Lembrar actualizar os permisos como indicamos no punto Configurando os permisos nos cartafoles de Drupal.

• Máis información no seguinte enlace.

-- Ángel D. Fernández González -- (2016).